اقش-تىڭ جاڭا سايلانعان پرەزيدەنتٸ دونالد ترامپ رەسەي پرەزيدەنتٸ ۆلاديمير پۋتينمەن تەلەفونمەن سٶيلەسٸپ, ەكٸ ەل اراسىنداعى كٷردەلٸ قارىم-قاتىناستى تالقىلادى. ترامپ ٶكٸلدەرٸ تاراتقان مەلٸمدەمەدە پۋتيننٸڭ ونى پرەزيدەنت بولىپ سايلانۋىمەن قۇتتىقتاعانى ايتىلادى. مەلٸمدەمەدە ترامپ "رەسەيمەن بەرٸك جەنە ۇزاق مەرزٸمدٸ بايلانىس ورناتۋدىڭ مٷمكٸندٸكتەرٸن تاعاتسىزدانا كٷتٸپ وتىر" دەلٸنگەن. ترامپ پەن پۋتين "اقش پەن رەسەي الدىندا تۇرعان بٸرقاتار پروبلەمانى, ستراتەگييالىق ەكونوميكالىق مەسەلەلەردٸ" تالقىلاعان.
بۇعان دەيٸن كرەمل پۋتين دە, ترامپ تا ەكٸ ەل اراسىنداعى قارىم-قاتىناستىڭ قازٸرگٸ جاي-كٷيٸن "مٷلدەم قاناعاتتانارلىقتاي ەمەس" دەپ بٸلەتٸنٸن حابارلاعان. رەسەي پرەزيدەنتٸ ترامپقا "ٶزارا قۇرمەت پەن ەلدٸڭ ٸشكٸ ٸسٸنە ارالاسپاعان تٷردە" ديالوگ ورناتۋعا دايىن ەكەنٸن ايتقان. كرەمل بۇعان قوسا تاراپتار "ەكٸ جاقتى قارىم-قاتىناستى ٶنٸمدٸ ىنتىماقتاستىققا قاراي باعىتتاۋعا" ۋاعدالاستى دەيدٸ.
رەسەي مەن اقش اراسىنداعى قارىم-قاتىناس رەسەي 2014 جىلى ۋكراينادان قىرىم تٷبەگٸن زاڭسىز اننەكسييالاپ الىپ, مەسكەۋ ۋكراينا شىعىسىنداعى سەپاراتيستەرگە جەنە سيرييا پرەزيدەنتٸ باشار اسادقا قولداۋ كٶرسەتە باستاعان سوڭ كٷرت ناشارلاعان.
