AQSh prezidenti Donald Tramp pen Resei prezidenti Vladimir Pýtinniń Helsinkidegi kezdesýi josparlanǵannan 90 minýtqa uzaqqa sozyldy, dep habarlaidy «QazAqparat» HAA.
Kezdesý 4 saǵatqa jýyq ýaqytqa sozyldy. Memleket basshylarynan bólek kezdesýge tek aýdarmashylar ǵana qatysty. Buqaralyq aqparat quraldary ókilderinen kezdesý ótetin oryndy bosatýdy surady.
Aita ketetin másele, Tramp pen Pýtinnniń G20 aiasyndaǵy ótken jyly bolǵan sońǵy kezdesýi de kelisilgennen kóp ýaqytqa sozylǵan bolatyn, dep jazady SNN.
Buqaralyq aqparat quraldary ókilderiniń biri AQSh prezidentinen kezdesýdiń qalai ótkenin surady. Oǵan jaýap retinde prezident kezdesýdiń jaqsy bastamaǵa negiz bolǵanyn aitty.
Kezdesýden soń Resei men AQSh tarapy túski astan keiin keńeitilgen quramda kezdesý ótkizip, artynan birlesken baspasóz máslihaty uiymdastyryldy.
Yńǵaisyz jaǵdailar da bolmai qoimady. Baspasóz máslihatynyń aldynda tilshilerdiń birin zaldan shyǵaryp jiberdi. Ol «Iadrolyq qarýǵa tyiym salý kelisimi» degen jazý ustap turǵan edi. Alaida bul jaǵdai baspasóz máslihatynyń talapqa sai ótýine kedergi bolǵan joq.
Baspasóz máslihaty bastalysymen sóz alǵan Vladimir Pýtin AQSh basshysymen bolǵan kezdesýdiń ashyq ári iskerlik baǵytta órbigendigin jetkizdi.
Ol kezdesýdiń sátti ári jemisti bolǵandyǵyn aitty. Soǵan qaramastan Resei basshysy AQSh pen Resei arasyndaǵy qarym-qatynastyń sońǵy ýaqytta kúrdeli bolǵandyǵyn atap ótti.
«Barshaǵa aian, ekijaqty qarym-qatynas kúrdeli jaǵdaida. Alaida jaǵdai ýshyǵyp barady dep aita almaimyz», - degen oiyn jetkizdi Pýtin.
Baspasóz máslihatynda Resei kóshbasshysy kelissózder barysynda Vashingtonnyń Iran boiynsha kelisimnen bas tartqandyǵyna alańdaýshylyq bildirgenin jetkizdi.
«Iadrolyq kelisimniń arqasynda Iran MAGATE-niń baqylaýyndaǵy jáne álemdegi eń jan-jaqty tekserilgen el bolyp otyr», - dep qosty Pýtin.
Pýtin basty nazardy 2016 jylǵy amerikalyq sailaý protsesine aýdaryp, bul úderiske Máskeýdiń eshqandai qatysy bolmaǵanyǵyn aitty.
«Tramp AQSh-taǵy sailaý úderisine Reseidiń aralasqandyǵy jónindegi máseleni taǵy kóterdi. Maǵan osyǵan deiingi kezdesýlerde san márte qaitalaǵan sózdi taǵy bir ret aitý qajet boldy. Iaǵni, Resei sailaý úderisin qosa alǵanda, AQSh-tyń ishki isine aralasqan emes jáne aralasatyn oiy da joq», - dedi Resei prezidenti.
TASS agenttiginiń habarlaýynsha, Resei prezidenti Vladimir Pýtin amerikalyq áriptesi Donald Tramppen bolǵan kezdesýdiń qorytyndylaryna kóńili tolady.
«Amerika Qurama Shtattarynyń prezidenti Donald Tramp myrzamen bolǵan kelissózder ashyq ári iskerlik atmosferada ótti. Men kezdesýdi sátti ári paidaly boldy dep oilaimyn», - dep málimdedi Reseidiń Memleket basshysy Resei-AQSh kezdesýinen soń bolǵan baspasóz máslihatynda.
Pýtinniń sózinshe, kóshbasshylar Resei-AQSh qarym-qatynasynyń qazirgi jaǵdaiy men bolashaǵyn jáne halyqaralyq kún tártibindegi sheshýshi taqyryptardy talqylaǵan.
CNN-niń habarlaýynsha, Tramp Vashington men Máskeýdiń arasy osynshama qiyn jaǵdaida bolmaǵandyǵyn aita kele, alaida jaǵdaidyń 4 saǵat buryn ǵana múldem ózgergendigin jetkizgen.
Tramp Vladimir Pýtinmen bolǵan kezdesýdiń eki arasyndaǵy qarym-qatynasty aitarlyqtai ońaltqandyǵyn málimdedi.
AQSh prezidentiniń málimdeýinshe, dialog pen kezdesýden bas tarta salý áldeqaida jeńil bolar edi, alaida ol eshqandai da nátije bermes edi.
Ol sondai-aq sózinde reseilik áriptesimen betpe-bet ótkizgen kezdesýinde iadrolyq qarýdy taratpaý, Soltústik Koreia men terrorizmdi qaýipti qarýlardan tazartý máselelerin sóz etkendigin atap ótti.
Kezdesý barysynda Donald Tramp Pýtindi jaqsy qarsylas dep baǵalady jáne bul sózdiń jaqsy maǵynasynda aitylǵandyǵyna nazar aýdardy.
Ol Vashington men Máskeý arasyndaǵy jaǵdaidyń kúrdelenip ketkenine eki taraptyń da kinási bar degen oiyn jetkizdi.
«Menińshe, Amerika Qurama shtattarynyń áreketi aqylǵa qonymdy bolmady. Bizge osy taza dialogty baiaǵyda-aq uiymdastyrý kerek edi. Bárine ózimiz kinálimiz», - dedi Tramp.
Taraptardyń kelissózder barysynda ekonomikalyq yntymaqtastyqty damytý máselesi sóz bolǵandyǵy aityldy. Naqtyraq aitqanda, AQSh pen Resei biznesi kapitandarynyń jumys toby qurylmaq.
Kóshbasshylardyń ekeýi de eki el arasyndaǵy yntymaqtastyq Siriiadaǵy myńdaǵan adamdardyń ómirin saqtaý qalý múmkindigin rastady.
Pýtinniń pikirinshe, Máskeý men Vashington Siriiadaǵy daǵdarysty retteýmen qatar, álemdik munai men gaz naryǵyndaǵy baǵany da birlesip retteýge múmkindikteri bar.
Aita ketetin másele, baspasóz máslihaty barysynda Vladimir Pýtin óziniń amerikalyq áriptesine fýtboldan álem chempionatynyń dobyn syilap, AQSh, Kanada jáne Meksikada ótetin ÁCh-2026 sharasyn sátti ótkizýdi tiledi.
