Pýtinniń baspasóz hatshysy Dmitrii Peskov Minsk Resei kreditiniń 500 million dollar kólemindegi ekinshi transhyn alatynyn aitty.
"Bul – ekinshi transh. Ol týraly ushaq tóńiregindegi oqiǵaǵa deiin-aq belgili bolǵan" dep keltirdi Peskovtyń sózin reseilik aqparat agenttikteri. Bul týraly Azattyq agenttigi jazdy.
Resei krediti jónindegi kelisimge 2020 jylǵy 21 jeltoqsanda qol qoiylǵan. 500 million dollar kólemindegi birinshi transhty Belarýs qarjy ministrligi byltyr 30 jeltoqsanda alǵan.
Sonymen qatar, Peskov Resei prezidenti Vladimir Pýtin men Belarýs lideri Aleksandr Lýkashenkonyń 28-29 mamyr kúnderi Sochide kezdesý ótkizgenin aitty.
Baspasóz hatshysynyń sózinshe, kezdesýde Pýtin Ryanair ushaǵyn kúshtep otyrǵyzý kezinde Roman Protasevichpen birge qamaýǵa alynǵan Resei azamaty Sofiia Sapeganyń máselesin kótergen. Resei syrtqy ister ministrligine Sapeganyń isin qadaǵalaý tapsyrylǵan.
Peskov Lýkashenkonyń Pýtinge Ryanair ushaǵy tóńireginde jaǵdai týraly baiandaǵan. Pýtinniń baspasóz hatshysy jaǵdaidy emotsiiasyz qarastyrý kerek dedi.
Peskovtyń aitýynsha, Sochidegi kezdesýde Pýtin men Lýkashenko ortaq valiýtaǵa ótý nemese Belarýske qosymsha kómek kórsetý máselesi talqylanbaǵan.
Bul – Lýkashenko men Pýtinniń jyl basynan beri úshinshi ret kezdesýi. Keiingi kezdesý bes saǵattan astam ýaqytqa sozylǵan. Kezdesý nátijesi boiynsha eshqandai málimdeme jasalǵan joq.
Vladimir Pýtin 2020 jylǵy qyrkúiektiń ortasynda Lýkashenkomen ótken kezdesýde Belarýske 1,5 milliard dollar kóleminde kredit berýge ýáde bergen. Keiinirek Resei qarjy ministrligi 1 milliard dollardyń memlekettik kredit retinde, 500 million dollardyń Eýraziialyq turaqtandyrý jáne damý jónindegi qordan qarjylai kredit retinde beriletinin aitty.
Vilniýste ótken narazylyq aktsiiasy. 28 mamyr 2021 jyl.
Lýkashenko Sochide Pýtinmen kezdesip jatqanda birqatar Eýropa eliniń astanasynda Belarýs oppozitsiiasyn qoldaý aktsiialary ótti. Bul aktsiialardy ótkizýge Belarýstyń shetelde júrgen oppozitsiia lideri Svetlana Tihanovskaia shaqyrǵan. Varshavada aktsiia qatysýshylaryna belarýs jýrnalisi Roman Protasevichtiń anasy da qosyldy.
Protasevich ótken aptada Minskide Resei azamaty Sofiia Sapegamen birge ustalǵan. Olar Ryanair ushaǵymen Afinyda Vilniýs qalasyna ushyp bara jatqanda Belarýs biligi bomba bolýy múmkin dep ushaqty tótenshe jaǵdaida qondyrǵan.
"Men AQSh-ty jáne Eýroodaqtyń barlyq elin Roman men Sofiiany jáne túrmege qamalǵan barlyq adamdy bosatýǵa kómektesýge shaqyramyn" dedi Protasevichtiń anasy Natalia jinalǵandarǵa.
Sherýshiler Aleksandr Lýkashenkoǵa qarsy uran aityp, Belarýs oppozitsiiasynyń qyzyl-aq-qyzyl týyn jalaýlatty. Tihanovskaia Vilniýste ótken osyndai jiynǵa qatysty.
"Biz búgin erkindigimiz úshin kúresimizdi jalǵastyrýda jigerimizdi kórsetý úshin jinalyp otyrmyz. Biz berilmeimiz" dedi ol jinalǵan 150 shaqty adamnyń aldynda. Ýkraina astanasy Kievte narazylyqqa 100-ge jýyq adam shyqty. Olardyń deni – Belarýs azamaty.
