Resei Federatsiiasynyń Prezidenti Vladimir Pýtin koronavirýsqa qarsy vaktsina saldyrdy, dep habarlaidy TASS agenttigi.
Prezidenttiń baspasóz hatshysy Dmitrii Peskov TASS-qa málim etkendei, V. Pýtinniń jaǵdaiy jaqsy jáne 24 naýryz kúni ol jumysqa shyǵady.
«Pýtin kornavirýsqa qarsy egildi. Ózin jaqsy sezinýde. Erteń tolyq jumys kúni bolady», - dedi Kreml ókili.
Degenmen, Kremlde Vladimir Pýtin reseilik úsh vaktsinanyń qaisysyn saldyrǵanyn naqtylamady. Buǵan deiin D.Peskov el prezidenti saldyratyn vaktsinanyń ataýy ádeii atalmai otyrǵanyn málim etken edi. Sebebi «reseilik barlyq úsh vaktsina da barynsha senimdi ári tiimdi».
Resei prezidentin egý protsedýrasy ózge elderdegi saiasatkerlerde siiaqty kópshilikke kórsetilgen joq. Munyń sebebin jýrnalisterge Kreml ókili túsindirdi: «Kamera aldynda vaktsinalaýǵa kelsek, oǵan (Pýtinge) bul unamaidy», - dedi ol.
2020 jyldyń 17 jeltoqsanynda Vladimir Pýtin múmkin bolǵan sátte-aq kovidke qarsy vaktsinalanatynyn aitqan edi. Ol kezde mamandardyń jas boiynsha shekteýlerge qulaq asyp otyrǵanyn jetkizgen bolatyn. Keiinnen prezidenttiń baspasóz hatshysy Pýtinge koronavirýsqa qarsy egiletin ýaqytty belgileý onyń ýaqytyly alyp otyratyn ózge vaktsinalardy saldyrýmen bailanysty ekenin túsindirdi. Al birneshe preparatty bir mezgilde alýǵa bolmaidy.
