Foto: Aqordanyń baspasóz qyzmeti
Resei Prezidenti Vladimir Pýtin Qazaqstanǵa resmi saparmen keldi, - dep habarlaidy "Ult aqparat" Aqordaǵa silteme jasap.
"Memleket basshysy Qasym-Jomart Toqaev Qazaqstanǵa resmi saparmen kelgen Resei Prezidenti Vladimir Pýtindi elorda áýejaiynda qarsy aldy", - delingen habarlamada.
Vladimir Pýtindi reseilik Aurus limýzini bastaǵan kólikter korteji alyp ketti.
Buǵan deiin Memleket basshysy Qasym-Jomart Toqaevtyń shaqyrýymen 9 qarashada Resei Federatsiiasynyń Prezidenti Vladimir Pýtin Astanaǵa resmi saparmen keletinin jazǵan bolatynbyz.
Sapar barysynda eki el basshylary kelissóz júrgizip, Qazaqstan men Resei arasyndaǵy strategiialyq seriktestiktiń ózekti máselelerin talqylaidy dep josparlanyp otyr.
Budan bólek, prezidentter Qostanaida ótetin Qazaqstan men Reseidiń XIX Óńiraralyq yntymaqtastyq forýmyna beinebailanys rejiminde qatysady.
