فوتو: اقوردانىڭ باسپاسٶز قىزمەتٸ
رەسەي پرەزيدەنتٸ ۆلاديمير پۋتين قازاقستانعا رەسمي ساپارمەن كەلدٸ, - دەپ حابارلايدى "ۇلت اقپارات" اقورداعا سٸلتەمە جاساپ.
"مەملەكەت باسشىسى قاسىم-جومارت توقاەۆ قازاقستانعا رەسمي ساپارمەن كەلگەن رەسەي پرەزيدەنتٸ ۆلاديمير پۋتيندٸ ەلوردا ەۋەجايىندا قارسى الدى", - دەلٸنگەن حابارلامادا.
ۆلاديمير پۋتيندٸ رەسەيلٸك Aurus ليمۋزينٸ باستاعان كٶلٸكتەر كورتەجٸ الىپ كەتتٸ.
بۇعان دەيٸن مەملەكەت باسشىسى قاسىم-جومارت توقاەۆتىڭ شاقىرۋىمەن 9 قاراشادا رەسەي فەدەراتسيياسىنىڭ پرەزيدەنتٸ ۆلاديمير پۋتين استاناعا رەسمي ساپارمەن كەلەتٸنٸن جازعان بولاتىنبىز.
ساپار بارىسىندا ەكٸ ەل باسشىلارى كەلٸسسٶز جٷرگٸزٸپ, قازاقستان مەن رەسەي اراسىنداعى ستراتەگييالىق سەرٸكتەستٸكتٸڭ ٶزەكتٸ مەسەلەلەرٸن تالقىلايدى دەپ جوسپارلانىپ وتىر.
بۇدان بٶلەك, پرەزيدەنتتەر قوستانايدا ٶتەتٸن قازاقستان مەن رەسەيدٸڭ XIX ٶڭٸرارالىق ىنتىماقتاستىق فورۋمىنا بەينەبايلانىس رەجيمٸندە قاتىسادى.
