Resei prezidenti Vladimir Pýtin Eýropa elderi men AQSh-qa kógildir otyndy resei rýblimen satý týraly sheshimin málimdedi. Bul týraly ol Úkimet múshelerimen kezdesýde aitty, - dep habarlaidy Tengrinews.kz tilshisi.
"Taýarlarymyzdy Eýropalyq odaqqa, AQSh-qa jetkizip, tólemdi dollarmen, eýromen jáne birqatar basqa valiýtamen alýdyń maǵynasy joq ekeni túsinikti. Sondyqtan men qysqa merzimde tólemdi aýdarý boiynsha keshendi sharalardy júzege asyrýdy uiǵardym. Kógildir otyn dostastyq joq elderge Resei rýblimen jetkiziledi. Iaǵni, mundai esepteýlerde barlyq valiýtalardy paidalanýdan bas tartý qajet", - dedi Pýtin.
Ol Resei tabiǵi gazdy buryn jasalǵan kelisimshartta bekitilgen kólem men baǵa belgileý qaǵidattaryna sáikes jetkizetinin atap ótti.
"Keibir áriptesterden aiyrmashylyǵy, biz senimdi seriktes jáne jetkizýshi retindegi bedelimizdi baǵalaimyz. Ózgerister tek reseilik rýblge aýystyrylǵan tólem valiýtasyna ǵana áser etedi", - dedi Resei prezidenti.
Osyndai málimdemeni "Roskosmos" bas direktory Dmitrii Rogozin de jasady.
"Endi barlyq syrtqy kelisimsharttardy rýblmen jasaimyz", - dedi ol "Pervyi kanal" telearnasyndaǵy "Bolshaia igra" baǵdarlamasynda, dep habarlaidy RIA Novosti.
Eske salaiyq, 10 naýryzda AQSh Kongresi ókilder palatasy Reseiden energetikalyq resýrstardy, onyń ishinde munai men gazdy importtaýǵa tyiym salý týraly zań jobasyn maquldaǵan bolatyn.
