Vladimir Pýtin áskerdiń bir bóligin mobilizatsiialaý sheshimin jariialaǵannan keiin Resei naryǵy qaita quldyrai bastady. Ekinshi kún qatarynan kórsetkishi túsken naryqta mundai jaǵdai sońǵy ret Reseidiń Ýkrainaǵa alǵashqy shabýyly kezinde bolǵan, dep habarlaidy Stan.kz aqparat agenttigi VVS portalyna silteme jasap.
Máskeý ýaqyty boiynsha saǵat 10:43-te Máskeý birjasynyń indeksi 4%-dan astamǵa, al RTS indeksi 5%-ǵa tómendegen. Rýbldiń ózi qunsyzdana bastady. Tańerteń dollar baǵamy 1,4 rýblge kóterilip, bir dollar úshin 62 rýbldi qurasa, eýro 80 tiynǵa derlik qymbattap, 61,4 rýbl boldy.
Máskeý birjasynyń indeksi seisenbide 8%-dan astam quldyrady.
Sarapshylar muny "saiasi sipattaǵy jańalyqtarmen" jáne "geosaiasi táýekelderdiń" ósýimen tikelei bailanystyrady.
"Máskeý birjalyq indeksi sońǵy jyldary eń tómengi deńgeige qarai bet alǵan siiaqty", - dep jazady MMI ekonomikalyq blogynyń avtorlary.
Ýkrainadaǵy alty aidan astam ýaqyt boiy jalǵasyp kele jatqan soǵys pen Reseige qarsy salynǵan sanktsiialarǵa qaramastan, reseilik naryqtar sońǵy ailarda aitarlyqtai turaqty boldy. Buǵan kóbine sheteldik investorlardyń ketýi men olardyń Resei biligine qoiǵan shekteýleri áser etti.
Mobilizatsiia naryqtardyń quldyraýynyń taǵy bir tolqynyn týdyrdy. Bul onsyz da jaqsy qalypta emes el ekonomikasyna qalai áser etedi degen qorqynyshtan týyndasa kerek.
"Ázirge boljamdardyń kópshiligi daǵdarystyń jetkilikti uzaqqa sozylatynyn kórsetedi. Saýda sanktsiialarynyń saldary Reseidiń álemniń basqa elderinen tehnologiialyq artta qalýy kezinde ǵana baiqalmaq.
Mobilizatsiia bul boljamdardy aitarlyqtai ózgerte alady. Shyndyǵynda, halyqtyń bir bóligi soǵysqa attanady. Bul olar jumys istemeidi, aqsha jumsamaidy degendi bildiredi. Demek, óndiris pen tutyný tómendeidi.
Kásiporyndardyń jumysy da áskeri qajettilikterge qaita baǵyttalady. Sonda azamattyq taýarlardy óndirý jáne olardyń jeke damýyna investitsiia salý aitarlyqtai qysqarady”, - dedi BBC portalynyń orys redaktsiiasynyń ekonomika bóliminiń redaktory Olga Shamina.
Eske salsaq, Resei Federatsiiasynyń prezidenti Vladimir Pýtin áskerdiń bir bóligin mobilizatsiialaý týraly qaýlyǵa qol qoiǵan bolatyn.
