Resei prezidenti Vladimir Pýtin Donbass aimaǵynda 2014 jyldan beri turyp jatqan ýkraindyqtarǵa Resei azamattyǵyn jeńildetilgen tártippen berý týraly jarlyqqa qol qoidy. Jarlyq 1 mamyrda Kreml saitynda jariialandy.
Pýtinniń jarlyǵyna sáikes, Donbasstaǵy qarýly qaqtyǵysqa deiin ómir súrip jatqandarǵa da azamattyq alýyna múmkindik berilgen. Ishki ister ministrligi málimdeýinshe, 77 myń Ýkraina azamaty Reseiden baspana alǵan. Al federatsiia keńesi soǵys aimaǵynan qashqan turǵyndar sany 2,5 millionǵa jetedi dep habarlady.
Pýtin qol qoiǵan jarlyqta Sovet odaǵy aýmaǵynda dúniege kelgen Aýǵanstan, Irak, Iemen, Siriia turǵyndaryna jáne olardyń balalaryna da jeńildetilgen tártippen azamattyq berý qarastyrylǵan.
Pýtin 27 sáýirde Pekinde "Bir beldeý - bir jol" sammitinde Resei biliginiń Donbass qana emes, Ýkrainanyń barlyq azamatyna jeńildetilgen tártippen azamattyq berý máselesin qarastyryp jatqanyn málimdegen. Ol Donbass turǵyndaryna azamattyq berýge shamamen 100 milliard rýbl jumsalady degen.
