Resei prezidenti Vladimir Pýtin Kemerovtegi 64 adamnyń ólimine ákep soqqan "Zimniaia vishnia" saýda úiinde bolǵan órttiń neden shyqqanyna qatysty pikir bildirdi, - dep habarlaidy kaz.tengrinews.kz RIA Novosti agenttigine silteme jasap.
"Bizde ne bolyp jatyr, bul - áskeri qaqtyǵys emes, ken ornyndaǵy metannyń shyǵyp ketýi emes qoi. Adamdar demalýǵa keldi, balalar. Demografiia týraly aityp, osynsha adamdy nege joǵaltyp otyrmyz? Bul qylmystyq salǵyrttyqtan, bos belbeýlikten boldy", - deidi Pýtin órt saldaryn joiýǵa arnalǵan Kemerovtegi jiyn barysynda.
Sonymen qatar, Pýtin RF Tergeý komitetiniń basshysy Aleksandr Bastrykinge qaiǵyly oqiǵaǵa jol bergen qyzmettik tulǵalardyń áreketine quqyqtyq túrde baǵa berýdi tapsyrdy. "Aqshasyz anyqtama da ala almaisyń, al aqshamen ne bolsa soǵan qol qoiyp beredi", - deidi ol.
Resei basshysy seisenbi kúni tańǵysyn Kemerovoǵa ushyp kelip, órtengen saýda ortalyǵynda boldy. Halyq gúl shoqtaryn jinaǵan orynǵa Pýtin de gúl qoidy jáne ortengen saýda úiin qarap shyqty.
Kemerovodaǵy tórt qabatty saýda-oiyn saýyq ortalyǵy jeksenbide órtengen bolatyn. Qaiǵyly oqiǵa saldarynan 64 adam qaza boldy, sonyń ishinde segiz bala bar. Zardap shekken 13 adam aýrýhanada jatyr, kópshiligi tútinnen ýlanǵan.
