Batys elderi Kievti alys qashyqtyqqa soqqy beretin zymyrandarmen qamtamasyz etetin bolsa, Resei Ýkrainadaǵy "buryn soqqy berilmegen nysandarǵa" shabýyl jasamaq. Vladimir Pýtin "Rossiia-1" telearnasyna bergen suhbatynda osyndai málimdeme jasady, dep habarlaidy Ulysmedia.kz.
Suhbat 5 maýsymda jariialandy. Alaida Resei basshysy Ýkrainanyń qai aimaqtaryna soqqy beriletinin naqty aitqan joq.
Pýtinniń sózinshe, AQSh-tyń Ýkrainaǵa berip jatqan qarý-jaraqtary eshteńe ózgertpeidi, kerisinshe, soǵysty odan saiyn uzartyp jiberedi.
Aita keteiik, ótken aptada AQSh prezidenti Djo Baiden Vashington HIMARS joǵary mobildi artilleriialyq zymyran júiesin Ýkrainaǵa beretinin málimdegen. Alaida ýkrain biligi bul quraldy Resei aimaǵyna soqqy berý úshin qoldanbaimyz dep ýáde bergen.
