Perý astanasy Limada ótken ATEY sammitinde Resei men AQSh prezidentteri az-maz áńgimelesti. Pýtin Barak Obamamen ótken úsh-tórt minýttyq kezdesýde jahandyq máseleler boiynsha jeti jyldyq birlesken jumysty qorytyndylaǵanyn aitty, dep habarlaidy "Ult aqparat" Baq.kz portalyna silteme jasap.
«Bizdiń yntymaqtastyǵymyz ońai bolǵan joq, shyntýaitynda, bir birimizben jumys isteý qiynǵa soqqanyn moiyndadyq. Dei turǵanmen, men de, prezident Obama da bir-birimizdiń ustanymdarymyzǵa, jalpy bir-birimizge qurmetpen qaraimyz», - dep atap ótti Pýtin.
Buǵan qosa, Pýtin Barak Obamany Reseide qýana-qýana qarsy alatynyn jetkizdi.
«Birlesken jumys úshin oǵan rizashylyq bildirdim. Sondai-aq, eger onyń múmkindigi nemese nieti bolyp jatsa, Reseige qalaǵan ýaqytynda kele alatynyn aittym», - dep tolyqtyrdy Vladimir Pýtin.
Pýtin men Obamanyń áńgimesi shamamen tórt minýtqa sozyldy, dep jazady BAQ Aq úige silteme jasap. Qos derjavanyń basshylary Siriia men Ýkrainadaǵy ahýal jaiynda sóz qozǵaǵan.
