پەرۋ استاناسى ليمادا ٶتكەن اتەى سامميتٸندە رەسەي مەن اقش پرەزيدەنتتەرٸ از-ماز ەڭگٸمەلەستٸ. پۋتين باراك وبامامەن ٶتكەن ٷش-تٶرت مينۋتتىق كەزدەسۋدە جاھاندىق مەسەلەلەر بويىنشا جەتٸ جىلدىق بٸرلەسكەن جۇمىستى قورىتىندىلاعانىن ايتتى, دەپ حابارلايدى "ۇلت اقپارات" Baq.kz پورتالىنا سٸلتەمە جاساپ.
«بٸزدٸڭ ىنتىماقتاستىعىمىز وڭاي بولعان جوق, شىنتۋايتىندا, بٸر بٸرٸمٸزبەن جۇمىس ٸستەۋ قيىنعا سوققانىن مويىندادىق. دەي تۇرعانمەن, مەن دە, پرەزيدەنت وباما دا بٸر-بٸرٸمٸزدٸڭ ۇستانىمدارىمىزعا, جالپى بٸر-بٸرٸمٸزگە قۇرمەتپەن قارايمىز», - دەپ اتاپ ٶتتٸ پۋتين.
بۇعان قوسا, پۋتين باراك وبامانى رەسەيدە قۋانا-قۋانا قارسى الاتىنىن جەتكٸزدٸ.
«بٸرلەسكەن جۇمىس ٷشٸن وعان ريزاشىلىق بٸلدٸردٸم. سونداي-اق, ەگەر ونىڭ مٷمكٸندٸگٸ نەمەسە نيەتٸ بولىپ جاتسا, رەسەيگە قالاعان ۋاقىتىندا كەلە الاتىنىن ايتتىم», - دەپ تولىقتىردى ۆلاديمير پۋتين.
پۋتين مەن وبامانىڭ ەڭگٸمەسٸ شامامەن تٶرت مينۋتقا سوزىلدى, دەپ جازادى باق اق ٷيگە سٸلتەمە جاساپ. قوس دەرجاۆانىڭ باسشىلارى سيرييا مەن ۋكرايناداعى احۋال جايىندا سٶز قوزعاعان.
