Resei prezidenti Vladimir Pýtin Astanada 10 maýsym men 10 qyrkúiek aralyǵynda ótetin EXPO-2017 kórmesine kelýi múmkin, - dep habarlaidy RIA Novosti agenttini "Izvestiia" gazetine silteme jasap.
"Árine, múmkin", - dep jaýap berdi RF prezidentiniń baspasóz hatshysy Dmitrii Peskov basylymnyń Pýtin kórmege bara ma degen suraǵyna.
Kórmeniń basty taqyryby - "Bolashaq energiiasy". Jobanyń ataýynda onyń ideiasynda sekildi energiiany jaqyn bolashaqta paidalaný kezindegi eń ozyq tásilderdi qabyldaý, engizý jáne qoldanýdy bildiretin abstraktili uǵym qalyptasqan, bul turaqty damýdyń ainymas sharty bolyp tabylady.
"Bolashaq energiiasy" sondai-aq óziniń aldyna jurtshylyq nazaryn adamzattyń ajyramas murasy bolyp tabylatyn qýat qorlaryn jaýapty jáne tiimdi paidalaný qajettiligine qaratý maqsatyn qoiady.
"Bolashaq energiiasy" jobasynyń maqsattary men mindetteri - qýat kózin paidalanýdaǵy josparlaý men baqylaý adam ómiri men ǵalamshardaǵy búkil tirshilik ataýlyǵa sheshýshi áser etedi degen taqyrypta oilaný men bilim qalyptastyrýdy yntalandyrý maqsatynda túrli mekemeler, uiymdar, korporatsiialar men jeke tulǵalardyń kómegimen halyqaralyq qaýymdastyqty jaýaptylyq sezimine shaqyrý bolyp tabylady.
.jpeg)