Kataloniia prezidenti Karles Pýchdemon referendýmnan soń BBC-ge bergen alǵashqy suhbatynda aimaq jaqyn kúnderi Ispaniiadan táýelsizdigin birjaqty túrde jariialaitynyn aitty, dep jazady Azattyq.
Pýchdemon "Eger Madrid aimaqty óz basqarýyna alsa nemese ózińizdi tutqyndasa ne isteisiz?" degen suraqqa "Bul bárin ózgertetin qatelik bolatynyn" aitty. Ol sonymen qatar qazir Ispaniia úkimeti men Kataloniia ákimshiligi arasynda eshqandai bailanys joǵyn da aitty.
Keshe Ispaniia koroli Filipp VI Kataloniia biligin aimaq táýelsizdigi týraly referendým ótkizgeni úshin demokratiialyq printsipterdi buzyp, qoǵamda jik týdyrdy dep aiyptaǵan. Korol telearna arqyly jasaǵan úndeýinde Ispaniianyń birtutas bolýyn qoldaitynyn jáne referendýmdy uiymdastyrǵandar eldiń turaqtylyǵyna qaýip tóndirgenin málimdegen.
Kataloniiada táýelsizdik alý jónindegi referendým 1 qazanda ótken. Madrid daýys berýdi zańsyz dep jariialaǵan. 2 qazanda Kataloniia biligi sailaýshylardyń 90 paiyzy aimaqtyń Ispaniiadan táýelsizdik alýyn qoldap daýys bergenin málimdegen. Referendým bolǵan kúni Madrid jibergen politsiianyń sailaýshylarmen qaqtyǵysynan myńǵa tarta adam zardap shekti. Eýropa komissiiasy da referendýmdy zańsyz dep jariialaǵan.
