Meditsinalyq-áleýmettik saqtandyrý qory keibir sanattaǵy azamattardy PTR-testen ótkizý úshin 5,4 mlrd teńge bólingenin jariia etti. Testen bir márte ótý baǵasy - 11,5 myń teńge, – dep habarlaidy MÁSQ baspasóz qyzmeti.
KVI boiynsha PTR testen ótý úshin respýblikalyq biýdjetten 5,4 mlrd teńge bólindi.
«Sonymen birge 1,7 mlrd teńge statsionarlarǵa joldansa, 3,7 mlrd teńge konsýltativti-diagnostikalyq qyzmet kórsetetin aýrýhanalarǵa baǵyttaldy. Bul meditsinalyq uiymdardaǵy patsientter PTR-testen tegin ótedi», - delingen habarlamada.
Aimaqtarǵa qajetti test sanyn jergilikti atqarýshy organdar anyqtaidy. Qazirgi tańda COVID-19 boiynsha zertteý júrgiziletin 600-ge tarta meditsinalyq uiymmen kelisimshart jasalǵan. MÁSQ bul maqsatta sáýir aiynda meditsinalyq uiymdarǵa qarajattyń alǵashqy transhyn joldaǵanyn atap ótý kerek.
Qor sonymen qatar halyqtyń qai sanatyndaǵy azamattar testileýden tegin ótetinin jariia etti.
Olar:
- COVID-19 kúdigimen provizorlyq statsionarǵa túskender;
- JRVI nemese pnevmoniia belgisimen túskender;
- KVI juqtyrǵan azamattarmen jaqyn qarym-qatynasta bolǵandar;
- josparly túrde statsionarǵa jatqyzylǵan azamattar;
- tynys alý, endokrindik jáne júrek qan-tamyr aýrýlary boiynsha dinamikalyq baqylaýdaǵy azamattar;
- shetelden kelgen azamattar;
- koronavirýs infektsiiasynyń taralýyna jol bermeý jumysyna tartylǵan IIM qyzmetkerleri;
- júkti áielder jáne basqalar.
Sonymen qatar MÁSQ epidemiiaǵa qarsy sharalar aiasynda Taýarlar men kórsetiletin qyzmetterdiń sapasy men qaýipsizdigin baqylaý komitetine qarasy Ulttyq saraptama ortalyǵy halyqtyń kelesi sanatyndaǵy azamattar boiynsha óz qarajatymen testi tegin ótkizetinin jariia etti.
Olar:
- úi karantininde jatqan, bailanysta bolǵan azamattar;
- arnaiy kontingenttegiler (aýrý belgisi bar jáne aýrýdy juqtyrý qaýpi joǵary meditsinalyq qyzmetkerler, epidemiiaǵa qarsy jumyldyrylǵan memlekettik organdardyń qyzmetkerleri, qarttar úiindegi adamdar, internat men basqa da mamandandyrylǵan uiymdaǵy azamattar);
- áskerge shaqyrylǵandar jáne basqalar.
Eske sala ketsek, COVID-19 indetiniń aldyn alý sharalaryna jalpy respýblika biýdjetinen 55,9 mlrd teńge bólinip otyr. Mundaǵy operator – MÁSQ.
