Koronavirýsqa qarsy PTR test qorytyndysyn qoldan jasap satpaq bolǵan 34 jastaǵy óskemendik turǵyn internetke taratqan habarlandyrýdyń izimen qolǵa tústi, dep habarlaidy QazAqparat.
Oqiǵanyń mán-jaiyn Ishki ister ministrliginiń baspasóz ókili Shuǵyla Turlybektiń vedomstvonyń aqparat alańynda ótken onlain brifingide aityp berdi.
«Óskemende politseiler koronavirýs juqtyrmaǵany týraly PTR test anyqtamasyn eshqandai zerthanalyq taldaýsyz-aq rásimdep beretinin jarnamalap, habarlama taratqan 34 jastaǵy jigitti ustady. Bul qyzmeti úshin ol 15 myń teńge suraǵan. Qazir alaiaqtyq faktisi boiynsha Qylmystyq kodekstiń 190-babymen sotqa deiingi tergeý júrip jatyr. Bul bap boiynsha eki jylǵa deiin bas bostandyǵynan aiyrý jazasy qarastyrylǵan», - deidi ministrliktiń baspasóz ókili.
Shuǵyla Turlybek keltirgen derekterge súiensek, bul – Shyǵys Qazaqstanda tirkelip otyrǵan alǵashqy jait emes.
