كوروناۆيرۋسقا قارسى پتر تەست قورىتىندىسىن قولدان جاساپ ساتپاق بولعان 34 جاستاعى ٶسكەمەندٸك تۇرعىن ينتەرنەتكە تاراتقان حابارلاندىرۋدىڭ ٸزٸمەن قولعا تٷستٸ, دەپ حابارلايدى قازاقپارات.
وقيعانىڭ مەن-جايىن ٸشكٸ ٸستەر مينيسترلٸگٸنٸڭ باسپاسٶز ٶكٸلٸ شۇعىلا تۇرلىبەكتٸڭ ۆەدومستۆونىڭ اقپارات الاڭىندا ٶتكەن ونلاين بريفينگٸدە ايتىپ بەردٸ.
«ٶسكەمەندە پوليتسەيلەر كوروناۆيرۋس جۇقتىرماعانى تۋرالى پتر تەست انىقتاماسىن ەشقانداي زەرتحانالىق تالداۋسىز-اق رەسٸمدەپ بەرەتٸنٸن جارنامالاپ, حابارلاما تاراتقان 34 جاستاعى جٸگٸتتٸ ۇستادى. بۇل قىزمەتٸ ٷشٸن ول 15 مىڭ تەڭگە سۇراعان. قازٸر الاياقتىق فاكتٸسٸ بويىنشا قىلمىستىق كودەكستٸڭ 190-بابىمەن سوتقا دەيٸنگٸ تەرگەۋ جٷرٸپ جاتىر. بۇل باپ بويىنشا ەكٸ جىلعا دەيٸن باس بوستاندىعىنان ايىرۋ جازاسى قاراستىرىلعان», - دەيدٸ مينيسترلٸكتٸڭ باسپاسٶز ٶكٸلٸ.
شۇعىلا تۇرلىبەك كەلتٸرگەن دەرەكتەرگە سٷيەنسەك, بۇل – شىعىس قازاقستاندا تٸركەلٸپ وتىرعان العاشقى جايت ەمەس.
