Almaty ákimdigi COVID-19 indetin test tapsyrý kezinde juqtyryp alýǵa bolady degen qaýesetti joqqa shyǵardy, dep habarlaidy "Ult aqparat".
«Áleýmettik jeliler men messendjerlerde Almatyda test tapsyrý kezinde aýrý juǵypty-mys degen aqparat shyndyqqa janaspaidy. Koronavirýs infektsiiasyna test tapsyrý kezinde tek sertifikattalǵan reagentter paidalanylady. Koronavirýsty diagnostikalaý máselesi erekshe baqylaýǵa alynǵan. Biz arandatýshylar men alyp-qashpa áńgimelerdiń sońynda ketpei, resmi aqparat kózderine júginýdi suraimyz», - dedi Komissiia tóraǵasy, Almaty qalasy ákiminiń orynbasary Erjan Babaqumarov.
Qazir Almatyda COVID-19-dy anyqtaý testin júrgizetin 7 zerthana (Ulttyq saraptama ortalyǵy, Sanitarlyq-epidemiologiialyq saraptaý jáne monitoring ǵylymi-praktikalyq ortalyǵy, M. Aiqymbaev atyndaǵy asa qaýipti infektsiialar ulttyq ǵylymi ortalyǵy, Ortalyq referens-zerthana, Medical Partners Korea Clinic qazaqstandyq-koreilik klinikasy, «Olimp» KDZ, «Atakent» QIQO aýmaǵyndaǵy modýldi keshen) qyzmet etip jatyr.
Saraptama tapsyrýdyń barlyq pýnktterinde osy baǵyttaǵy jumystardy retteitin sanitarlyq erejelerdiń talaptary saqtalady, qyzmetkerlerdiń biologiialyq qaýipsizdikti qatań saqtaýy barlyq júrgiziletin protsedýranyń kepili bolyp tabylady. Óz kezeginde, test júrgizý úshin paidalanylatyn reagentter tekserýdiń barlyq kezeńderinen ótti. Sonyń nátijesinde jumysta ony tek QR-da ǵana emes, búkil álem boiynsha qoldanýǵa ruqsat etilgen. Analiz sterildi, bir rettik materialmen (zondtarmen) jasalady, olar paidalanylǵannan keiin belgilengen erejeler sáikes paidaǵa (kádege) asyrylady. Qaitadan paidalanýǵa jol berilmeidi.
«Qazaqstan Respýblikasynyń Bas memlekettik sanitar dárigeriniń Qaýlysyna sáikes, referens-zerthanalardyń mamandarymen jasalyp jatqan zertteýlerdiń monitoringtik baqylaýy júrgizilýde. Komissiia óz tarapynan COVID-19-ǵa tekserý boiynsha halyqqa qyzmet kórsetetin jekemenshik zerthanalardyń basshylaryn karantindi kúsheitý kezindegi sharalardy uiymdastyrý men baqylaý týraly: maska taǵý rejiminiń, kezekte áleýmettik qashyqtyqtyń, naýqastardyń aldyn ala jazylýy, zertteý júrgizý úshin qan tapsyrý kólemin bólýdi qosymsha eskertedi», - dedi Erjan Babaqumarov.
