الماتى ەكٸمدٸگٸ COVID-19 ٸندەتٸن تەست تاپسىرۋ كەزٸندە جۇقتىرىپ الۋعا بولادى دەگەن قاۋەسەتتٸ جوققا شىعاردى, دەپ حابارلايدى "ۇلت اقپارات".
«ەلەۋمەتتٸك جەلٸلەر مەن مەسسەندجەرلەردە الماتىدا تەست تاپسىرۋ كەزٸندە اۋرۋ جۇعىپتى-مىس دەگەن اقپارات شىندىققا جاناسپايدى. كوروناۆيرۋس ينفەكتسيياسىنا تەست تاپسىرۋ كەزٸندە تەك سەرتيفيكاتتالعان رەاگەنتتەر پايدالانىلادى. كوروناۆيرۋستى دياگنوستيكالاۋ مەسەلەسٸ ەرەكشە باقىلاۋعا الىنعان. بٸز ارانداتۋشىلار مەن الىپ-قاشپا ەڭگٸمەلەردٸڭ سوڭىندا كەتپەي, رەسمي اقپارات كٶزدەرٸنە جٷگٸنۋدٸ سۇرايمىز», - دەدٸ كوميسسييا تٶراعاسى, الماتى قالاسى ەكٸمٸنٸڭ ورىنباسارى ەرجان باباقۇماروۆ.
قازٸر الماتىدا COVID-19-دى انىقتاۋ تەستٸن جٷرگٸزەتٸن 7 زەرتحانا (ۇلتتىق ساراپتاما ورتالىعى, سانيتارلىق-ەپيدەميولوگييالىق ساراپتاۋ جەنە مونيتورينگ عىلىمي-پراكتيكالىق ورتالىعى, م. ايقىمباەۆ اتىنداعى اسا قاۋٸپتٸ ينفەكتسييالار ۇلتتىق عىلىمي ورتالىعى, ورتالىق رەفەرەنس-زەرتحانا, Medical Partners Korea Clinic قازاقستاندىق-كورەيلٸك كلينيكاسى, «وليمپ» كدز, «اتاكەنت» قٸقو اۋماعىنداعى مودۋلدٸ كەشەن) قىزمەت ەتٸپ جاتىر.
ساراپتاما تاپسىرۋدىڭ بارلىق پۋنكتتەرٸندە وسى باعىتتاعى جۇمىستاردى رەتتەيتٸن سانيتارلىق ەرەجەلەردٸڭ تالاپتارى ساقتالادى, قىزمەتكەرلەردٸڭ بيولوگييالىق قاۋٸپسٸزدٸكتٸ قاتاڭ ساقتاۋى بارلىق جٷرگٸزٸلەتٸن پروتسەدۋرانىڭ كەپٸلٸ بولىپ تابىلادى. ٶز كەزەگٸندە, تەست جٷرگٸزۋ ٷشٸن پايدالانىلاتىن رەاگەنتتەر تەكسەرۋدٸڭ بارلىق كەزەڭدەرٸنەن ٶتتٸ. سونىڭ نەتيجەسٸندە جۇمىستا ونى تەك قر-دا عانا ەمەس, بٷكٸل ەلەم بويىنشا قولدانۋعا رۇقسات ەتٸلگەن. اناليز ستەريلدٸ, بٸر رەتتٸك ماتەريالمەن (زوندتارمەن) جاسالادى, ولار پايدالانىلعاننان كەيٸن بەلگٸلەنگەن ەرەجەلەر سەيكەس پايداعا (كەدەگە) اسىرىلادى. قايتادان پايدالانۋعا جول بەرٸلمەيدٸ.
«قازاقستان رەسپۋبليكاسىنىڭ باس مەملەكەتتٸك سانيتار دەرٸگەرٸنٸڭ قاۋلىسىنا سەيكەس, رەفەرەنس-زەرتحانالاردىڭ ماماندارىمەن جاسالىپ جاتقان زەرتتەۋلەردٸڭ مونيتورينگتٸك باقىلاۋى جٷرگٸزٸلۋدە. كوميسسييا ٶز تاراپىنان COVID-19-عا تەكسەرۋ بويىنشا حالىققا قىزمەت كٶرسەتەتٸن جەكەمەنشٸك زەرتحانالاردىڭ باسشىلارىن كارانتيندٸ كٷشەيتۋ كەزٸندەگٸ شارالاردى ۇيىمداستىرۋ مەن باقىلاۋ تۋرالى: ماسكا تاعۋ رەجيمٸنٸڭ, كەزەكتە ەلەۋمەتتٸك قاشىقتىقتىڭ, ناۋقاستاردىڭ الدىن الا جازىلۋى, زەرتتەۋ جٷرگٸزۋ ٷشٸن قان تاپسىرۋ كٶلەمٸن بٶلۋدٸ قوسىمشا ەسكەرتەدٸ», - دەدٸ ەرجان باباقۇماروۆ.
