Kóliktegi bas memlekettik sanitar dáriger Sádýaqas Baiǵabylov COVID-19-ǵa arnalǵan PTR anyqtamasy jańa talapqa sai kelmegendikten birneshe shetel azamatynyń elden shyǵarylǵanyn aitty, dep habarlaidy "Ult aqparat".
«Osy jyldyń 6 qazanynan beri sanitarlyq-karantin pýnktteriniń epidemiologtary Qazaqstanǵa áýe reisterimen kelgen 17 sheteldikti, onyń ishinde Qazaqstanda turýǵa yqtiiarhaty bar adamdy deportatsiialady. Deportatsiialaýǵa jaramdylyq merzimi ótip ketken PTR nemese jedel test ótkeni týraly anyqtamalar sebep boldy. Nur-Sultan qalasynyn áýejaiynan 8 shetel azamaty (Reseidiń 5, Belarýstyń 2 jáne Túrkiianyń 1 azamaty ), al Almaty qalasy áýejaiynan 9 shetel azamaty (Reseidiń 4, BAÁ-niń 1, Germaniianyń 1, Ózbekstannyń 1, Túrkiianyń 2 azamaty) departatsiialanǵan bolatyn», - dedi Sádýaqas Baiǵabylov.
Deportatsiialanǵandardyń arasynda tranzittik áýe jolaýshylary da bolǵan.
Onyń atap ótýinshe, otandyq, sheteldik áýe kompaniialaryna jáne áýejaidyń múddeli qyzmetterine COVID-19-ǵa arnalǵan PTR anyqtamasyz kelgen sheteldik azamattardy departatsiialaý máseleleri boiynsha qosymsha seminar-keńester ótkiziledi.
Eske sala ketsek, 6 qazan kúni saǵat 00.00 kezinde QR Bas memlekettik sanitar dáriger Erlan Qiiasovtyń memlekettik shekaradaǵy ótkizý beketteri arqyly koronavirýs infektsiiasynyń taralýyn aldyn alý sharalaryn kúsheitý týraly qaýlysy shyqqan edi.
Jańa erejelerge sáikes mynadai shekteý sharalary kúshine enedi: Qazaqstanǵa shetelden áýe reisi arqyly kelgen azamattardyń bári de termometriiadan, anketalaýdan ótip, PTR ádisi arqyly COVID-19 boiynsha testten ótkeni týraly anyqtama (72 saǵatqa jaramdy) kórsetýi tiis. Qazaqstan azamaty sanalmaityndar adamdar qolynda anyqtama bolmaǵan jaǵdaida elge kirgizilmeidi.
Dene temperatýrasy shekti normada bolǵan jáne anyqtama kórsetken azamatqa COVID-19 belgileri boiynsha túsindirý jumystary júrgizilip, tiisti qolhat berilgennen keiin olar baratyn jerine jiberiledi.
Dene qyzýy bar adamdar qolynda anyqtama bar-joǵyna qaramastan eki aptaǵa karantindik statsionarda oqshaýlanady. Ol jerde atalǵan azamat COVID-19 boiynsha tekserýden ótedi. COVID-19 boiynsha testten ótkennen keiin koronavirýs juqtyrǵany belgili bolǵan azamattar infektsiialyq statsionarǵa aýystyrylady.
Al juqtyrmaǵany anyqtalǵan azamattarǵa túsindirý júrgizilip, tiisti qolhat beriledi. Ushyp kelgen QR azamattary anyqtama bolmaǵan jaǵdaida eki táýlikke karantindik statsionarǵa jatqyzylady.
Ol jerde atalmysh azamat COVID-19 boiynsha tekserýden ótedi. COVID-19 boiynsha testten ótkennen keiin koronavirýs juqtyrǵany anyqtalmaǵan azamattarǵa túsindirý júrgizilip, tiisti qolhat beriledi.
COVID-19 juqtyryp kelgeni belgili bolǵan azamattar infektsiialyq statsionardyń karantin oqshaýlaǵyshyna jatqyzylady.
