Manchester ýniversitetiniń mamandary adamnyń kez kelgen psihikalyq syrqaty koronavirýstan ólim-jitimdi 5 ese arttyrady degen qorytyndyǵa keldi. Bul týraly Qazaqstanda koronavirýstyń taralýyna jol bermeý jónindegi vedomstvoaralyq komissiia aqparatynda aityldy, dep habarlaidy QazAqparat.
Birikken Tanzaniia Respýblikasy qaiyrymdylyq retinde Qytai eli jóneltken koronavirýs infektsiiasyna qarsy preparattyń kezekti partiiasyn aldy. QHR Afrika elderine COVID-19 vaktsinasyn halyqaralyq baǵdarlama aiasynda berýde. Tanzaniia azamattaryna Sinopharm vaktsinasynyń 800 myń dozasy jiberildi.
«Qytaiǵa ýaqytyly kórsetilgen qoldaý úshin úlken alǵys bildiremiz. Bul, Tanzaniia halqyn virýsqa qarsy vaktsinalaý naýqanyn tezdetýge kómektesedi», - dedi Densaýlyq saqtaý, áleýmettik damý, genderlik máseleler, qarttar men balalar ministri Ýmmi Mvalimý.
Ol ótken jyldyń qarasha aiynda Qytai syiǵa tartqan alǵashqy partiia eldiń 250 myń turǵynyn tolyqtai immýndaýǵa kómekteskenin atap ótti. Óz kezeginde QHR Elshisi Chen Mintszian jaqyn arada Tanzaniiaǵa Sinovac Biotech vaktsinasynyń taǵy 1 mln dozasy jetkiziletinine sendirdi.
Koronavirýs turaqsyz psihikasy bar adamdar úshin qaýip tóndiredi. Manchester ýniversitetiniń mamandary SARS-CoV-2-niń júikesi aýyratyn naýqastardyń densaýlyǵyna áserin zerttegen. Nátijesinde kez kelgen psihikalyq aýytqý koronavirýstan ólim qaýpin bes ese arttyrady degen qorytyndyǵa kelgen. Ǵalymdardyń tujyrymdary molekýlalyq psihiatriia jýrnalynda jariialandy. Shizofreniiamen aýyratyn naýqastarǵa ólimniń erekshe qaýpibar. «Psihotikalyq buzylýlary bar adamdarda aýyr psihikalyq aýrýlary joq adamdarǵa qaraǵanda COVID-19-dan qaitys bolý qaýpi 4,84 ese joǵary», - delingen ǵylymi jariialanymnyń mátininde. Osylaisha, bipoliarlyq buzylýlary bar patsientter aýrýhanaǵa jatqyzýdy jáne mamandardyń táýlik boiy baqylaýyn qajet etedi.
