Foto: Yves Herman / Reuters
AQSh prezidentiniń óziniń eki negizgi odaqtasyn eki basty jaýmen shatastyrýy Amerika kóshbasshysynyń psihikalyq densaýlyǵyna qatysty alańdaýshylyq týǵyzdy, sonymen qatar Baidenge demokrattardyń prezidenttik sailaýdan shyǵýyn talap etýge negiz boldy, -dep jazady Bloomberg.
AQSh prezidenti Djo Baiden Vashingtondaǵy NATO sammitinde sóilegen sózinde ýkrainalyq áriptesi Vladimir Zelenskiidi Resei prezidenti Vladimir Pýtinmen shatastyryp, keiin sózin túzetti. Odan keiin, Harristi Tramppen shatastyrdy. Bloomberg-tiń jazýynsha mundai qatelesýler onyń prezidenttikke laiyqty kandidat ekenine kúmán týdyrady.
Sammit sheńberindegi is-sharada Baiden Zelenskiidi Pýtinmen tanystyrdy, biraq ol birden sózin túzep:
"Prezident Zelenskii. Men Prezident Pýtindi jeńýge kóp kóńil bólgenim sonsha, alańdai bastadyq", -dedi.
Zelenskii jaýap retinde "Men jaqsyraqpyn" dep ázildedi.
Sodan keiin óziniń baspasóz máslihatynyń ashylýynda Baiden vitse-prezident Kamala Harristiń ornyna Respýblikalyq partiia atynan sailaýdaǵy qarsylasy Donald Tramptyń atyn atady:
"Eger ol durys emes dep sanasa, bul qyzmetke vitse-prezident Trampty tańdamas edim", -dep málimdedi.
Tramptyń ózi bul aǵattyq týraly óziniń Truth Social áleýmettik jelisinde bylai dep jazdy: "Keremet jumys, Djo!».
Bul shatasýlar internette kelekege ainalyp, prezidenttik naýqannyń bolashaǵy týraly alańdaýshylyqty kúsheitti, dep jazady Bloomberg.
Baidenniń baspasóz máslihatynda ol Memleket basshysy laýazymy úshin kúresti jalǵastyrýǵa nietti ekenin taǵy bir ret aitqan kezde, kórermender onyń árbir sózine kilikti.
Baspasóz máslihatynan keiin birden úsh demokratiialyq zań shyǵarýshy Baidendi prezidenttik jarystan shyǵýǵa shaqyrdy. Onyń ishinde Palatanyń barlaý komitetiniń bas demokraty Djim Haims bar. AP jazýynsha, Palatanyń 15 múshesi "jańa kandidatqa oryn bosatý kerek", dep málimdedi.
Osyǵan bailanysty Baiden "ózi úshin emes, bastalǵan isti aiaqtaý úshin" prezidenttik postqa kúresti jalǵastyrýǵa daiyn ekendigine jáne kelesi tórt jyl ishinde memleket basshysynyń mindetin atqara alatyndyǵyna sendirgisi keldi. Ol ózin "eń laiyqty kandidat" dep atady. Sonymen qatar onyń densaýlyǵy qosymsha tekserýdi qajet etpeitinin, biraq dárigerler talap etse, tekserilýge daiyn ekenin aitty.
Aq úidiń baspasóz hatshysy Karin Jan-Per Baidenniń "aptasyna eki ret" dárigerdiń "aýyzsha tekserýinen" ótetinin jáne jyl saiyn muqiiat fizikalyq tekserýden ótetinin habarlady. Ol sondai-aq Prezidenttiń júike júiesiniń buzylýy, sonyń ishinde Parkinson aýrýynyń belgileri joq ekenin aitty.
.jpg)