Atyraý oblysynda prokýrorlar dárihanalardy tekserip, alyp-satarlarmen kúres júrgizip jatyr, dep habarlaidy "Ult aqparat".
«Oblys prokýrorynyń qaýlysymen quqyq qorǵaý jáne memlekettik organ qyzmetkerlerinen turatyn arnaiy jumys toby quryldy. Búginde oblys prokýratýrasy dári-dármekterdi baǵasyn asyryp satýdyń 30 faktisin anyqtaǵan. Ókiletti organ segiz dárihanany ákimshilik jaýapqa tartty. Árbir dárihanaǵa 361 140 teńge kóleminde aiyppul salyndy», - dep málimdedi oblys prokýrorynyń aǵa kómekshisi Qanat Qabdolova.
Ol oblystyq prokýratýramen birlesken jumys kezinde quqyq qorǵaý organdary dáriler men meditsinalyq buiymdardy zańsyz satýdyń alty faktisi anyqtalǵanyn baiandady. Bul dári-dármekter tiisti tirkeýsiz úide, baǵasy asyrylyp satylǵan. Tergeý barysynda zańsyz ainalymnan 7500 dárilik preparat, 180 000 meditsinalyq maska alynǵan. Olardyń barlyǵy densaýlyq saqtaý basqarmasyna tapsyrylady.
