Prokýror eks-bankir Jomart Ertaevqa 11 jyl bas bostandyǵynan aiyrý jazasyn surady. Bul týraly Almaly aýdandyq sotynyń baspasóz qyzmeti málim etti, dep habarlaidy "Ult aqparat".
Memlekettik aiyptaý kúdiktiniń kinásin jeńildetý faktilerin eskerdi: Ertaev kinásin moiyndady, qylmystyq isti tergeýge kómektesti, shyǵyndy ishinara ótedi, sondai-aq ol - kámelet jasyna tolmaǵan balalardyń ákesi.
«Prokýror asa aýyr jaza men onsha aýyr emes jazany biriktirý arqyly 11 jylǵa sottaýdy surady. Onymen qosa múlkin tárkileý, 5 jyl materialdyq jaýapkershilikpen bailanysty kommertsiialyq jáne qarjy qyzmetinen ainalysý quqynan aiyrý, jazasyn ortasha qaýipsizdiktegi qylmystyq-atqarý júiesi mekemesinde jazasyn óteýdi talap etti», - dep habarlady sottaǵylar.
Biz buǵan deiin Jomart Ertaevtyń isine qatysty sottyń bastalǵanyn habarlaǵan edik.
Esterińizge sala keteiik, Jomart Ertaev ótken jyldyń mamyrynda Máskeýde QR IIM men Interpoldyń Ulttyq ortalyq biýrosynyń ótinishi boiynsha ustalǵan bolatyn. QR IIM málimetinshe, Ertaev asa iri kólemdegi alaiaqtyǵy úshin halyqaralyq izdeýde bolǵan.
Keiinnen Jomart Ertaev kinásin moiyndady.
