Foto: Tengrinews.kz
Prokýror burynǵy densaýlyq saqtaý ministri Eljan Birtanov pen burynǵy densaýlyq saqtaý vitse-ministri Oljas Ábishevtiń memleketke keltirgen shyǵyny týraly aitty, - dep habarlaidy Massaget.kz portaly.
Búgin Eljan Birtanov pen Oljas Ábishevke qatysty is boiynsha tergeý aiaqtaldy.
"Birtanov pen Ábishevke "Densaýlyq saqtaýdyń aqparattyq júielerin aqparattandyrý jáne ózara árekettesýi" platformasyndaǵy jumystardy memlekettik satyp alý konkýrsyn ótkizbei-aq aiaqtaý, pilottyq paidalanýdy engizý jáne jumysy aiaqtalmaǵan platformany qabyldaý týraly kelisim jasasyp, ókilettigin asyra paidalandy degen aiyp taǵyldy. Memleketke 1 milliard 548 million 136 myń teńge nemese 4 million 177 myń dollar kóleminde zalal keltirilgen", - dedi memlekettik aiyptaýshy Baýyrjan Shekenov.
Ol Birtanov pen Ábishevtiń áreketi saldarynan memleket 4 million 660 myń dollar kóleminde bank kepildigin óndirip alý quqyǵynan aiyrylǵanyn málimdedi.
"Sonymen qatar, Birtanovqa 2020 jyldyń maýsymynda issaparda bolǵan kezinde COVID-19 testinen ótip, teris nátije alǵanyna qaramastan, Jambyl oblysynyń emdeý mekemelerine meditsinalyq kómekke júginbei, Ulttyq jedel meditsinalyq járdem ortalyǵynyń qyzmetkerlerine Tarazdan Astanaǵa sanitarlyq aviatsiia bortynda tasymaldaýdy uiymdastyrý týraly zańsyz nusqaý bergen degen aiyp taǵyldy. Bul memleketke 5,5 million teńge shyǵyn keltirdi", - dedi Shekenov.
Birtanov ta, Ábishev te óz kinásin moiyndamady.
