Qazaqstan Respýblikasynyń Bas Prokýratýrasy qazaqstandyqtarǵa úndeý joldady, dep habarlaidy "Ult aqparat".
***
Qazaqstan Respýblikasy Bas Prokýrorynyń orynbasary B. B. Dembaevtyń «Prokýratýra týraly» Zańnyń 31-baby tártibinde úndeýi
Qurmetti azamattar!
Áleýmettik jelilerde zańsyz narazylyq aktsiialaryn ótkizýge shaqyrýlar taratylýda.
Bul rette shyndyqqa janaspaityn, onyń ishinde áleýmettik jáne ulttyq alaýyzdyq pen arazdyqty qozdyrý belgilerimen aqparattar ornalastyrylýda.
Zańsyz kópshilik is-sharalardy uiymdastyrý jáne oǵan qatysý Ákimshilik quqyq buzýshylyq týraly kodekstiń 488-baby boiynsha jaýaptylyqqa ákep soqtyratynyn eske salamyz.
Osy árekettermen azamattardyń, uiymdardyń, qoǵamnyń nemese memlekettiń quqyqtary men zańdy múddelerine eleýli ziian keltirilgen jaǵdaida Qylmystyq kodekstiń 400-baby boiynsha jaýaptylyq kózdelgen.
Áleýmettik jáne ulttyq arazdyqty qozdyrý, kórineý jalǵan aqparat taratýǵa jariia túrde shaqyrý zańmen tyiym salynǵan jáne mundai áreketter qylmystyq tártipte qýdalanatynyna nazar aýdaramyz (QK 174 jáne 274-baptary).
Osyǵan bailanysty, zańdylyq pen qoǵamdyq qaýipsizdikti qamtamasyz etý, quqyq buzýshylyqtardyń aldyn alý, sondai-aq adam quqyqtary men bostandyqtaryn qorǵaý úshin Bas prokýratýra azamattardy memlekettik organdardyń resmi derekterine ǵana senýge, quqyqqa qarsy aqparatty taratýdan jáne zańsyz jariia aktsiialarǵa qatysýdan tartynýǵa shaqyrady.
