Búgin QR Ortalyq sailaý komissiiasynyń hatshysy Záýresh Baimoldina QR Prezidentin sailaý kúninde prokýratýra organdary qandai zańbuzýshylyqtardy anyqtaǵanyn aityp berdi, dep habarlaidy QazAqparat tilshisi.
«Prokýratýra ákimshilik quqyqbuzshylyq belgileriniń bar ekendigin anyqtaǵan materialdarǵa jeke toqtalyp óteiin. Olardyń jalpy sany 19 boldy. Istiń basym bóligi (12) ýchaskelik sailaý komissiiasy músheleriniń azamattarǵa ózge tulǵanyń atynan daýys berý úshin biýlletenderdi berýine qatysty. 6 material sailaýshylardyń birdei sailaý quqyǵy talaptaryn buzýymen bailanysty boldy. Iaǵni, bul jaǵdaida olar ózge sailaýshylardń ornyna daýys bermek boldy», - dedi Záýresh Baimoldina Ortalyq sailaý komissiiasynyń otyrysynda.
Onyń aitýynsha, is júzinde barlyq derekterde sailaýshy ýchaskelik sailaý komissiiasynyń múshesinen óziniń otbasy músheleri úshin daýys berýge múmkinshilik jasaýyn ótingen.
«Bul ásirese aýyldyq jerlerde barynsha ózekti boldy. Jubaiy, balalary úshin daýys berý kóptegen aýyl turǵyndary úshin sailaý zańnamasyn buzýshylyq bolyp eseptelinbeidi. 1 material sailaýaldy úgit júrgizý erejesin buzýmen bailanysty boldy. Atalǵan zańbuzýshylyqtardyń 40 paiyzdan astamy, naqty aitqanda 8-i Túrkistan oblysyna tiesili. Almaty men Atyraý oblystarynda, Nur-Sultan men Almaty qalalarynda eki isten tirkeldi. Bul ister quziretti organdardyń qaraýynda jatyr. Biz olardan tiisti aqparattardy suraimyz», - dedi QR OSK múshesi.
