بٷگٸن قر ورتالىق سايلاۋ كوميسسيياسىنىڭ حاتشىسى زەۋرەش بايمولدينا قر پرەزيدەنتٸن سايلاۋ كٷنٸندە پروكۋراتۋرا ورگاندارى قانداي زاڭبۇزۋشىلىقتاردى انىقتاعانىن ايتىپ بەردٸ, دەپ حابارلايدى قازاقپارات تٸلشٸسٸ.
«پروكۋراتۋرا ەكٸمشٸلٸك قۇقىقبۇزشىلىق بەلگٸلەرٸنٸڭ بار ەكەندٸگٸن انىقتاعان ماتەريالدارعا جەكە توقتالىپ ٶتەيٸن. ولاردىڭ جالپى سانى 19 بولدى. ٸستٸڭ باسىم بٶلٸگٸ (12) ۋچاسكەلٸك سايلاۋ كوميسسيياسى مٷشەلەرٸنٸڭ ازاماتتارعا ٶزگە تۇلعانىڭ اتىنان داۋىس بەرۋ ٷشٸن بيۋللەتەندەردٸ بەرۋٸنە قاتىستى. 6 ماتەريال سايلاۋشىلاردىڭ بٸردەي سايلاۋ قۇقىعى تالاپتارىن بۇزۋىمەن بايلانىستى بولدى. ياعني, بۇل جاعدايدا ولار ٶزگە سايلاۋشىلاردڭ ورنىنا داۋىس بەرمەك بولدى», - دەدٸ زەۋرەش بايمولدينا ورتالىق سايلاۋ كوميسسيياسىنىڭ وتىرىسىندا.
ونىڭ ايتۋىنشا, ٸس جٷزٸندە بارلىق دەرەكتەردە سايلاۋشى ۋچاسكەلٸك سايلاۋ كوميسسيياسىنىڭ مٷشەسٸنەن ٶزٸنٸڭ وتباسى مٷشەلەرٸ ٷشٸن داۋىس بەرۋگە مٷمكٸنشٸلٸك جاساۋىن ٶتٸنگەن.
«بۇل ەسٸرەسە اۋىلدىق جەرلەردە بارىنشا ٶزەكتٸ بولدى. جۇبايى, بالالارى ٷشٸن داۋىس بەرۋ كٶپتەگەن اۋىل تۇرعىندارى ٷشٸن سايلاۋ زاڭناماسىن بۇزۋشىلىق بولىپ ەسەپتەلٸنبەيدٸ. 1 ماتەريال سايلاۋالدى ٷگٸت جٷرگٸزۋ ەرەجەسٸن بۇزۋمەن بايلانىستى بولدى. اتالعان زاڭبۇزۋشىلىقتاردىڭ 40 پايىزدان استامى, ناقتى ايتقاندا 8-ٸ تٷركٸستان وبلىسىنا تيەسٸلٸ. الماتى مەن اتىراۋ وبلىستارىندا, نۇر-سۇلتان مەن الماتى قالالارىندا ەكٸ ٸستەن تٸركەلدٸ. بۇل ٸستەر قۇزٸرەتتٸ ورگانداردىڭ قاراۋىندا جاتىر. بٸز ولاردان تيٸستٸ اقپاراتتاردى سۇرايمىز», - دەدٸ قر وسك مٷشەسٸ.
