Qazaqstanda 2020 jyldyń 1 qańtarynan bastap memlekettik qyzmet kórsetýge ózgeris engizildi.
QR tsifrlyq damý, innovatsiialar jáne aeroǵarysh ónerkásibi ministrligi engizilgen ózgeris ishinde proaktivti rejimde memlekettik qyzmet kórsetý bar ekenin habarlady. Endi memleket adamdardyń qyzmet kórsetýge júginýin kútip otyrmaidy, ózderi qyzmet usynatyn bolady. Mysaly, sábi dúniege kelgen kezde birden týýdy tirkeý, járdemaqynyń eki túrin taǵaiyndaý, ony tirkeý jáne balabaqshaǵa kezekke qoiý boiynsha qyzmet kórsetiledi. Demek, endi "bir tereze" qaǵidatynan "bir ótinish " qaǵidatyna aýysýǵa múmkindik týyp otyr. Bul týraly «Ult» portaly tolyǵyraq jazady.
Bul ózgeristegi taǵy bir jańalyq – memlekettik qyzmetterdi kórsetý kezinde "kompozittik" tásildi arttyrý. Iaǵni, memlekettik qyzmet keshendi túrde kórsetiletin bolady. Endi azamattar bir ǵana ótinish jazyp, birneshe máselesin sheshe alady.
Mysaly, múmkindigi shekteýli balalary bar ata-analar balay tekserý, oqytý jáne ońaltý úshin 6 memlekettik qyzmet alady. Olarǵa 6 paket qujat jinap, memlekettik organdarǵa 6 ret habarlasýǵa týra keledi. Endi olarǵa bir mezgilde barlyq 6 qyzmetti bir ótinishpen sheshe alady. Bul ózgeris 21 memleketti qyzmet boiynsha engizildi.
Sonymen qatar endi kósheler men eldi mekenderdiń ataýy ózgergen jaǵdaida, derekter bazasyndaǵy mekenjailar avtomatty túrde ózgertiletin bolady. Sondai-aq, eksaýmaqtyq qaǵidaty alǵa jyljyp jatyr, bul jaǵdaida azamattyq hal aktilerin tirkeý boiynsha memlekettik qyzmetterdi azamat eldiń kez kelgen óńirinen ala alady.
2020 jyldyń ekinshi jartyjyldyǵynda memlekettik qyzmetter kórsetý máseleleri jónindegi vedomstvoaralyq komissiia proaktivti formatta qaitys bolý týraly kýálik berýdi usyndy. Tsifrlyq damý, innovatsiialar jáne aeroǵarysh ónerkásibi ministrligi ókiliniń aitýynsha, bul adamdardyń ólim týraly qorytyndy alý úshin máiithanalar men aýrýhanaǵa barmai-aq, ol qyzmettiń kórsetilýi úshin mańyzdy ekenin atap ótti. Málimdeýinshe, bul protsesti barynsha jeńildetip, ony proaktivti formatqa kóshirý kerek. Máiithanada barlyq derek densaýlyq saqtaý ministrliginiń aqparattyq júiesine, sodan keiin AHAJ derekqoryna engizilýi qajet. Osylaisha, barlyǵy onlain formatqa aýysady.
Sonymen qatar qaitys bolǵan kisiniń týysyna sms habarlama jiberiletin bolady. Al buǵan deiin kisi qaitys bolsa, týystary eń aldymen máiithanadan qaitys bolǵany týraly meditsinalyq kýálandyrý alyp, odan keiin halyqqa qyzmet kórsetý ortalyǵyna baryp qujat alýy qajet. Ádette bul protsess tolyq bir jumys kúnin alady.
Vedomstvoaralyq komissiianyń sheshimi boiynsha proaktivti formatta kórsetiletin 30 qyzmet iriktelip alyndy. Olardyń ishinde júktiligi jáne bosanýy boiynsha tólemder taǵaiyndaý, múgedektikti belgileý, mektepke qabyldaý, kósheler men eldi mekenderdi qaita ataý kezinde mekenjai derekterin ózgertý, jerleýge birjolǵy tólem taǵaiyndaý bar.
Sonymen qatar vedomstvoaralyq komissiianyń kezekti otyrysynda memlekettik qyzmetterdi avtomattandyrý salasyndaǵy birqatar ózekti máseleler talqylandy. Onyń ishinde jyl sońyna deiin memlekettik qyzmetterdiń 90%-yn elektrondyq formatqa kóshirý boiynsha júrgizilgen jumystar talqylanyp, psihonevrologiialyq, narkologiialyq jáne týberkýlezge qarsy uiymdardan anyqtamalardy alyp tastaý boiynsha usynystar qaraldy.
Aita keteiik, qazirgi ýaqytta proaktivti formatta 5 memlekettik qyzmet kórsetiledi. Qazir jańa týǵan balanyń aty-jónin SMS-ke jiberý arqyly balanyń týý týraly kýáligin resimdeýge bolady.
Sondai-aq, "Altyn alqa" jáne "Kúmis alqa" alqalarymen marapattalǵan kóp balaly analar járdemaqyny proaktivti formatta resimdei alady.
2020 jyldyń sońyna deiin kóptegen jańa proaktivti qyzmetti iske qosý josparlanyp otyr.
Aita keteiik, Qazaqstanda úkimettiń zańyna sáikes, memlekettik qyzmet kórsetiletin qyzmetti berýshiler arqyly, memleketke qaraityn korporatsiia arqyly jáne "elektrondyq úkimet" portaly men abonenttik qurylǵy arqyly kórsetiledi.
