Foto: Aqorda
Qazaqstan Prezidentiniń keńesshisi – Baspasóz hatshysy Rýslan Jeldibai Memleket basshysy Qasym-Jomart Toqaevtyń Japoniiaǵa resmi sapary barysynda jalpy quny 3,7 milliard dollardan asatyn kommertsiialyq kelisimderge qol qoiylatynyn málimdedi, dep habarlaidy Ult.kz.
Onyń aitýynsha, Prezident Tokioda japoniialyq iri biznes ókilderimen birqatar kezdesýler ótkizedi. Sapar aiasynda 40-tan astam qujatqa qol qoiý josparlanyp otyr.
Kelisimder energetika, jańartylatyn energiia kózderi, tsifrlandyrý, taý-ken óndirisi jáne kólik salalaryn qamtidy. Qazaqstan tarapynan «Samuryq-Qazyna», KEGOC, «Qazatomónerkásip», «Taý-ken Samuryq», «Qazposhta», «Qazaqstan temir joly» kompaniialary qatysady. Al Japoniia jaǵynan Marubeni, MUFG Bank, Mitsubishi Heavy Industries, Hitachi Energy, Toshiba, JOGMEC, Kansai Electric Power jáne RIKEN KOGYO sekildi alpaýyt kompaniialar qujattarǵa qol qoiady.
Sonymen qatar Prezidenttiń Japoniiaǵa sapary barysynda ózge de resmi kelissózder men iskerlik kezdesýler ótkizý kózdelgen.
