QR Prezidenti Qasym-Jomart Toqaevtyń Túrkistan oblysyna jumys saparynan video jariialandy, dep habarlaidy "Ult aqparat".
«Elimizdiń rýhani jáne tarihi ortalyǵy - Túrkistan oblysyna jumys saparymen bardym. Myrzakent kentinde Sardoba sýqoimasyndaǵy bógenniń jarylýy saldarynan úilerinen aiyrylǵan turǵyndarǵa arnalǵan jańa yqsham aýdanynyń qurylysymen tanystym. Arys qalasynda ótken jyly jarylys bolǵan áskeri bólimsheni qaita qalpyna keltirý jumysynyń barysy týraly esep berildi. Sondai-aq jóndeýden ótken temirjol vokzalyna bardym. Oblys ortalyǵynda túrki áleminiń rýhani ustazy Qoja Ahmet Iasaýi kesenesin qalpyna keltirý jumystarynyń barysymen tanystym. IýNESKO-nyń álemdik muralarynyń tizimine engen orta ǵasyrlyq sáýlet óneri eskertkishiniń týristik áleýeti joǵary. Sonymen qatar Túrkistannyń jańa infraqurylymdyq nysandaryn kórip qaittym. Qala turǵyndary men týristerge arnalǵan Sapar ortalyǵy men «Jibek joly» saiabaǵynyń da kópshiliktiń kózaiymyna ainalaryna senemin», dep jazdy Prezident Instagram-daǵy paraqshasynda.
