Prezidenttiń baspasóz hatshysy Berik Ýáli Facebook-tegi paraqshasyna Qasym-Jomart Toqaevtyń Ulttyq keńes alańynda aitqan tapsyrmalarynyń taǵy bir parasy iske asqanyn jazdy, dep habarlaidy "Ult aqparat".
Ol Memleket basshysynyń Ulttyq qoǵamdyq senim keńeste tehnikalyq jáne kásibi bilim berýdi belsendi damytý tapsyrma berilgenin eske saldy.
«Tehnikalyq jáne kásibi bilim berýdi belsendi damytý kerek. «Jas maman» jobasynyń aiasynda biz 180 kolledjdiń materialdyq-tehnikalyq bazasyn jańartamyz. Tegin kásibi tehnikalyq bilim berý baǵdarlamasy jyl saiyn 100 myń stýdentti qamtyp otyr», - dep málim etken Prezident.
Tehnikalyq jáne kásibi bilim berýge qatysty birqatar tapsyrma oryndaldy.
- «2020 jyldan bastap «Jas maman» jobasy júzege asyrylyp jatyr;
- Jalpy somasy 22,1 milliard teńgege 80 kolledj zamanaýi quraldarmen jabdyqtaldy;
- 2021 jyly 100 kolledjdiń oqý-óndiris sheberhanalaryn jabdyqtaý úshin 28,9 milliard teńge bólý josparlanyp otyr;
- Kolledjder kadr daiyndaý isine halyqaralyq tájiribelerdi óndirip, óz salalary boiynsha biliktilik ortalyqtaryna ainalýy qajet», delingen habarlamada.
