Elordada Keńes odaǵynyń batyry, Halyq qaharmany, armiia generaly Saǵadat Nurmaǵambetov atyndaǵy Áskeri kolledj Qarýly kúshter úshin kásibi serjanttar daiyndaý maqsatynda tehnikalyq jáne kásiptik baǵdarlamalar boiynsha bilim beredi. Bul turǵyda oqý protsesi men jańashyldyqtar týraly Qorǵanys ministrligi Áskeri kolledj bastyǵynyń orynbasary, polkovnik Hamit Baikenov onlain-brifing baǵdarlamasynda aityp berdi, – dep habarlaidy «Ult aqparat».
Kóptegen jastar men olardyń ata-analaryn áskeri kolledjde qandai mamandar daiarlaityny qyzyqtyratyny jasyryn emes. Oqytylatyn mamandyqtar men praktikalyq dárister týraly oqý ornynyń basshylyǵy da áńgimeledi.
«Armiia generaly Saǵadat Nurmaǵambetov atyndaǵy áskeri kolledj 2021 jyly áskeri bilim salasyn jetildirý aiasynda respýblikalyq mektebiniń bazasynda quralǵan. Bizdiń áskeri kolledj tehnikalyq jáne kásiptik bilim berý oqý orny. Ol jerde biz Qarýly kúshterine arnalǵan kishi komandirlerdi daiarlaimyz. Mysaly, kelesi mamandyqtar boiynsha - avtomattandyrý, aqparattyq-kommýnikatsiialyq tehnologiialar áskeri istegi, qarý-jaraqpen áskeri tehnikany tehnikalyq qamtamsyz etý jáne jóndeý, úshinshi mamandyq radiatsiialyq bólimshelerdi, Qorǵanys bólimshelerdi basqarý jáne tórtinshi mamandyq injenerlik-saperlik bólimshelerdi basqarý», – deidi Áskeri kolledj bastyǵynyń orynbasary, polkovnik Hamit Baikenov.
Onyń aitýynsha, áskeri kolledjdi támamdaǵan túlekter oqýdan keiin mamandyǵy boiynsha diplom, kishi serjant áskeri ataǵyn jáne júrgizýshi kýrstaryn aiaqtaǵany týraly kýálik alady. Odan ári olar áskeri bólimshelerge laýazymdarǵa taǵaiyndalyp, qyzmet atqarýǵa jiberiledi. Odan basqa oqýyn úzdik bitirgen túlekter óz mamandyǵy boiynsha jalǵastyrý úshin joǵary áskeri oqý oryndaryna emtihansyz qabyldanýǵa múmkindikteri bar. Áskeri qyzmetke jiberilgen túlekter tolyqtai áskeri qyzmet áleýmettik paketine ie bolady. Onyń ishinde meditsinalyq qamtamasyz etý, áskeri kiim-keshekpen, turǵyn úimen qamtamasyz etý nemese turǵyn úide jaldap alýǵa tólemaqysyna ie bolady. Túlekter bólim komandirlerine taǵaiyndalady, olardyń da ári qarai ósý kareralary bar. Onyń ishinde vzvod komandiri, rota komandiri, batalon serjanty, brigada serjanty jáne odan joǵary laýazymdarǵa ie bolady.
«Qazirgi ýaqytta Qazaqstan Respýblikasy Prezidentiniń talaby – jas býyndy jumys mamandyqtaryna oqytyp úiretý. Onyń ishinde bizdiń Qorǵanys ministrligi de bar. Osyǵan orai bizdiń áskeri kolledj oqý baǵdarlamasy modýldi tehnologiia boiynsha qurastyrylǵan. Onyń ishinde birinshi modýl – jalpy orta bilim oqý pánderin igerip alý. Ekinshi kýrsta jumys mamandyǵyn igerý. Jáne úshinshi kýrsta bizdiń kadette orta býyn pánderin igeredi. Sonymen qatar, áskeri bilim salasyn jetildirý aiasynda kóp nazar praktikalyq oqytýǵa aýdarylady. Sonymen bizdiń oqý baǵdarlamasy 40% teoriialyq jáne 60% praktikalyq oqytýdan turady. Onyń ishinde, mysal keltirsek, birinshi kýrsta olar eki aptalyq oqý-daiarlyq jattyǵýyna shyǵady. ekinshi-úshinshi kýrsta eki retten, ár semestrdi bir-birden taǵy da eki aptalyq oqý-jattyǵý daiarlyǵy bar. Ol oqý-jattyǵý daiarlyqta bizdiń ulandar jalpy áskeri pánderiniń praktikalyq túrde oqidy. Ol kúndelikti urys jáne ártúrli jaǵdaida bólimshelerin basqarý, qarý-jaraqty igerý degendei olar sol jerde praktikalyq tájiribe alady. Sonymen qatar, úshinshi kýrsta olar tórt ai boiy áskeri taǵylymdamadan áskeri bólimshelerde óziniń bolashaq laýazymdarynda taǵaiyndalyp ótedi. Ol jerde olar taǵy da oqý barysynda qaramaǵyndaǵy bólimshelerdi basqarý, bólimshege berilgen qarý-jaraqpen, áskeri tehnikamen tehnikany igerý. Oǵan qosa, áskeri bólimniń jaýyngerlik daiarlyqqa sharalaryna tolyqtaý qatysyp, óziniń bolashaq mamandyǵyn praktikalyq tájiribe alyp, igerip shyǵady», – deidi Áskeri kolledj bastyǵynyń orynbasary, polkovnik Hamit Baikenov.
Polkovniktiń aitýynsha, Ulttyq qorǵanys ýniversitetiniń tehnopark bazasynda praktikalyq sabaqtar ótkizý bastaǵan. Bul is-shara bizde Ulttyq qorǵanys ýniversitet pen áskeri kolledjdiń ekijaqty yntymaqtastyq josparyna sáikes júrgizilýde. Ol jerde ulandar metaldan, materialdardan bólshektep jasaý zamanaýi tehnologiialaryn oqidy.
«Bizdiń ulandar praktikalyq túrde kez kelgen bólshekti úshtep printermen modeldeý jasap nemese tehtoker stanoktardy óz qolymen jasap shyǵarady. Sol jerde alǵan praktikalyq tájiribeleri bolashaqta áskeri qyzmette qajet dep oilaimyn. Bizdiń áskeri kolledjge Qazaqstan Respýblikasynyń áskeri qyzmetshiler jáne olardyń áskeri mártebesi týraly zańyna sáikes bizdiń kolledjge Qazaqstan Respýblikasynyń azamattary 15 jasqa tolǵan 17 jastan aspaǵan, negizgi orta bilim kýálikteri bar jáne densaýlyq jaǵynan jaramdy azamattar túse alady. Oqýǵa qabyldaý konkýrstyq retteý arqyly júredi. Birinshi kezeńde úmitkerlerdiń áskeri psihologiialyq turaqtylyǵyn, daiyndyǵyn tekserý psihologiialyq testileý ótedi. Ekinshi kezeńde densaýlyǵynyń jaramdylyǵyn anyqtaý úshin áskeri meditsinalyq kýálendirýden ótedi. Úshinshi kezeń talapkerdiń dene daiyndyǵyn tekseremiz. Tórtinshi kezeń – konkýrstyq irikteý. Ol jerde joǵaryda aitylǵan úsh kezeńniń jalpy nátijelerin qosyp, býyndap tekseremiz. Besinshi kezeń – mandattyq komissiia. Ol jerde joǵary ball alǵan úmitkerler oqýǵa qabyldanatyn bolady», – deidi Áskeri kolledj bastyǵynyń orynbasary, polkovnik Hamit Baikenov.
