Kollaj: Ulysmedia.kz
QR Premer-Ministriniń orynbasary – Saýda jáne integratsiia ministri Baqyt Sultanov pen Aýyl sharýashylyǵy ministri Erbol Qarashókeev Memleket basshysynyń ózderine sógis jariialaýy oryndy bolǵanyn aitty, dep habarlaidy QazAqparat.
«Buǵan deiin de Prezidenttiń máseleni óte ádil kótergenin aitqanmyn. Aitylǵan syn óte durys. Qazir sol turǵyda jumys istep jatyrmyz. Qyzmetimizdiń tiimdiligin arttyrý jóninde mindet qoiyldy. Aýyl sharýashylyǵy ministrligimen birge sharalardy pysyqtadyq. Onyń nátiejesin sizderge de, Memleket basshysyna da baiandap otyramyz», - dedi Sultanov ortalyq kommýnikatsiialar qyzmetinde ótip jatqan brifingte.
Erbol Qarashókeev te Prezidenttiń synynan sabaq alyp jatqanyn aitty.
«Memleket basshysynyń aitqan syny ádil boldy. Jumysymyzda olqylyqtar bolǵanyn bilemiz. Baiandamamda qant naryǵyndaǵy dúrbeleńge obektivti de, sýbektivti de faktorlar áser etkenin aittym. Qazir ahýaldy túzetip, jumysymyzdyń tiimdiligin arttyrý úshin qoldan kelgenniń bárin jasap jatyrmyz», - dedi ministr.
Aita keteiik, buǵan deiin Úkimettiń keńeitilgen otyrysynda Memleket basshysy Qasym-Jomart Toqaev qant tapshylyǵyn rettei almaǵan Saýda jáne integratsiia ministri Baqyt Sultanov pen Aýyl sharýashylyǵy ministri Erbol Qarashókeevke sógis jariialaǵan edi.
