Májilistiń plenarlyq otyrysynda prezidenttik saiasi reformalar paketterin júzege asyrý boiynsha negizgi zań jobalary qaraldy. Bul týraly QR Prezidentiniń keńesshisi Erlan Qarin Facebook-tegi paraqshasynda habarlady.
«Atap aitqanda, Májilis depýtattary «Qazaqstan Respýblikasyndaǵy sailaý týraly» Qazaqstan Respýblikasynyń Konstitýtsiialyq zańyna ózgerister men tolyqtyrýlar engizý týraly» Konstitýtsiialyq zań jobasyn jáne «Qazaqstan Respýblikasynyń keibir zańnamalyq aktilerine sailaý máseleleri boiynsha ózgerister men tolyqtyrýlar engizý týraly» ilespe zań jobasyn birinshi oqylymda qabyldaǵan bolatyn» dep jazdy Erlan Qarin.
QR Prezidentiniń keńesshisi budan bólek, 13 sáýirde, Májilistiń Zańnama jáne sot-quqyqtyq reforma komitetinde atalǵan zań jobalarynyń tanystyrylymy ótkenin aitty. Odan keiin bul qujattar boiynsha jumys tobynyń 12 otyrysy ótkizildi. Zań jobalaryn talqylaýǵa Ulttyq qoǵamdyq senim keńesiniń músheleri Marat Shibýtov, Rakhim Oshakbayev, Andrei Chebotariov, Marat Bashimov, Eldar Jýmagaziev jáne basqa azamattar qatysqan.
«Osy aitylǵan qujattar aýyl ákimderin tikelei sailaý, saiasi partiialardyń Májiliske ótýi úshin belgilengen shekti baǵamdy 7-den 5 paiyzǵa deiin tómendetý jáne barlyq deńgeidegi sailaý biýlletenderine «barshaǵa qarsy» baǵanyn qosý máselesine qatysty qoldanystaǵy zańnamaǵa ózgerister engizýdi kózdeidi. Osyǵan orai «Qazaqstan Respýblikasyndaǵy sailaý týraly» Qazaqstan Respýblikasynyń Konstitýtsiialyq zańyna ózgerister men tolyqtyrýlar engizý týraly» Konstitýtsiialyq zań jobasyna sáikes aýyl ákimderiniń sailaýyn taǵaiyndaý jáne ótkizý, kandidattardy usyný jáne tirkeý, kandidattarǵa qoiylatyn talaptar jáne basqa da máseleler boiynsha qoldanystaǵy zańnamaǵa túzetýler engizý josparlanyp otyr.
Al, «Qazaqstan Respýblikasynyń keibir zańnamalyq aktilerine sailaý máseleleri boiynsha ózerister men tolyqtyrýlar engizý týraly» zań jobasynda «Qazaqstan Respýblikasyndaǵy jergilikti memlekettik basqarý jáne ózin-ózi basqarý týraly», «Qazaqstan Respýblikasynyń memlekettik qyzmeti týraly», «Saiasi partiialar týraly» zańdarǵa jańa normalar engizý kózdelgen» dep jazdy Erlan Qarin.
Onyń aitýynsha, osy ózgerister men tolyqtyrýlar qoldanystaǵy zańnamaǵa engizilgennen keiin aýyl ákimderin tikelei sailaýdyń jalpyǵa ortaq tártibi belgilenedi. Jalpy, 4 jyl ishinde 2 345 ákimdi, sonyń ishinde 2021 jyly 836 ákimdi sailaý josparlanyp otyr. Bul normalardyń qabyldanýy saiasi básekeni damytýǵa jáne azamattardyń saiasi belsendiligin arttyrýǵa septigin tigizedi.
