مەجٸلٸستٸڭ پلەنارلىق وتىرىسىندا پرەزيدەنتتٸك ساياسي رەفورمالار پاكەتتەرٸن جٷزەگە اسىرۋ بويىنشا نەگٸزگٸ زاڭ جوبالارى قارالدى. بۇل تۋرالى قر پرەزيدەنتٸنٸڭ كەڭەسشٸسٸ ەرلان قارين Facebook-تەگٸ پاراقشاسىندا حابارلادى.
«اتاپ ايتقاندا, مەجٸلٸس دەپۋتاتتارى «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسييالىق زاڭىنا ٶزگەرٸستەر مەن تولىقتىرۋلار ەنگٸزۋ تۋرالى» كونستيتۋتسييالىق زاڭ جوباسىن جەنە «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە سايلاۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» ٸلەسپە زاڭ جوباسىن بٸرٸنشٸ وقىلىمدا قابىلداعان بولاتىن» دەپ جازدى ەرلان قارين.
قر پرەزيدەنتٸنٸڭ كەڭەسشٸسٸ بۇدان بٶلەك, 13 سەۋٸردە, مەجٸلٸستٸڭ زاڭناما جەنە سوت-قۇقىقتىق رەفورما كوميتەتٸندە اتالعان زاڭ جوبالارىنىڭ تانىستىرىلىمى ٶتكەنٸن ايتتى. ودان كەيٸن بۇل قۇجاتتار بويىنشا جۇمىس توبىنىڭ 12 وتىرىسى ٶتكٸزٸلدٸ. زاڭ جوبالارىن تالقىلاۋعا ۇلتتىق قوعامدىق سەنٸم كەڭەسٸنٸڭ مٷشەلەرٸ مارات شيبۋتوۆ, Rakhim Oshakbayev, اندرەي چەبوتاريوۆ, Marat Bashimov, ەلدار جۋماگازيەۆ جەنە باسقا ازاماتتار قاتىسقان.
«وسى ايتىلعان قۇجاتتار اۋىل ەكٸمدەرٸن تٸكەلەي سايلاۋ, ساياسي پارتييالاردىڭ مەجٸلٸسكە ٶتۋٸ ٷشٸن بەلگٸلەنگەن شەكتٸ باعامدى 7-دەن 5 پايىزعا دەيٸن تٶمەندەتۋ جەنە بارلىق دەڭگەيدەگٸ سايلاۋ بيۋللەتەندەرٸنە «بارشاعا قارسى» باعانىن قوسۋ مەسەلەسٸنە قاتىستى قولدانىستاعى زاڭناماعا ٶزگەرٸستەر ەنگٸزۋدٸ كٶزدەيدٸ. وسىعان وراي «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسييالىق زاڭىنا ٶزگەرٸستەر مەن تولىقتىرۋلار ەنگٸزۋ تۋرالى» كونستيتۋتسييالىق زاڭ جوباسىنا سەيكەس اۋىل ەكٸمدەرٸنٸڭ سايلاۋىن تاعايىنداۋ جەنە ٶتكٸزۋ, كانديداتتاردى ۇسىنۋ جەنە تٸركەۋ, كانديداتتارعا قويىلاتىن تالاپتار جەنە باسقا دا مەسەلەلەر بويىنشا قولدانىستاعى زاڭناماعا تٷزەتۋلەر ەنگٸزۋ جوسپارلانىپ وتىر.
ال, «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە سايلاۋ مەسەلەلەرٸ بويىنشا ٶزەرٸستەر مەن تولىقتىرۋلار ەنگٸزۋ تۋرالى» زاڭ جوباسىندا «قازاقستان رەسپۋبليكاسىنداعى جەرگٸلٸكتٸ مەملەكەتتٸك باسقارۋ جەنە ٶزٸن-ٶزٸ باسقارۋ تۋرالى», «قازاقستان رەسپۋبليكاسىنىڭ مەملەكەتتٸك قىزمەتٸ تۋرالى», «ساياسي پارتييالار تۋرالى» زاڭدارعا جاڭا نورمالار ەنگٸزۋ كٶزدەلگەن» دەپ جازدى ەرلان قارين.
ونىڭ ايتۋىنشا, وسى ٶزگەرٸستەر مەن تولىقتىرۋلار قولدانىستاعى زاڭناماعا ەنگٸزٸلگەننەن كەيٸن اۋىل ەكٸمدەرٸن تٸكەلەي سايلاۋدىڭ جالپىعا ورتاق تەرتٸبٸ بەلگٸلەنەدٸ. جالپى, 4 جىل ٸشٸندە 2 345 ەكٸمدٸ, سونىڭ ٸشٸندە 2021 جىلى 836 ەكٸمدٸ سايلاۋ جوسپارلانىپ وتىر. بۇل نورمالاردىڭ قابىلدانۋى ساياسي بەسەكەنٸ دامىتۋعا جەنە ازاماتتاردىڭ ساياسي بەلسەندٸلٸگٸن ارتتىرۋعا سەپتٸگٸن تيگٸزەدٸ.
