Konstitýtsiia ózgeristeri Qazaqstan Prezidentiniń moratorii jariialaý quqyǵyna áser etpeidi. Bul jaiynda búgin Parlament palatalarynyń birlesken otyrysynda QR Prezidenti Ákimshiliginiń basshysy Ádilbek Jaqsybekov málim etti, dep habarlaidy "Ult aqparat".
«Qoldanystaǵy Konstitýtsiia boiynsha Memleket basshysynyń zań shyǵarý jáne zań kúshindegi qaýly shyǵarý quqyǵy bolǵan. Endi «Qazaqstan Respýblikasynyń Konstitýtsiiasyna ózgerister men túzetýler engizý týraly» zań jobasyna sai, Konstitýtsiianyń 45-babynyń 2-tarmaǵyna sai Prezidenttiń bul quzireti alynyp tastalmaq. Ózderińiz bilesizder, táýelsizdik jyldarynda Prezident úsh ret moratorii jariialap, daǵdarys kezinde bul kásipkerlerdiń qoldaýyn tapty, tipti, bankrot bolýdan saqtady. Jańa zań jobasy týraly kásipkerlerdiń alańdaýshylyqtary bar. Qajet kezde Memleket basshysynyń moratorii jariialaý quqyǵy saqtala ma? Eger saqtalatyn bolsa, qandai normalar negizinde?» — dep surady Májilis depýtaty Azat Perýashev Jumys toby jetekshisi Ádilbek Jaqsybekovten.
«Mundai quqyq Prezidentte saqtalady. Konstiýttsiianyń 45-babynyń 1-tarmaǵynda Prezident Konstitýtsiia zańdaryn saqtaý boiynsha respýblika aýmaǵynda kúshine enetin qaýly shyǵara alady. Sizdiń saýalyńyzda aitylǵan normalar osy qaýlylar sheńberinde shyǵarylady. Osy bapta Prezidenttiń joǵarydaǵy quqyǵy saqtalady», — dedi Jaqsybekov.
