Nursultan Nazarbaev úgilgen plitkalarǵa qatysty Astana biligin synǵa aldy, - dep habarlaidy kaz.tengrinews.kz.
"Qonaqtardy kúteiin dep jatyr ekenbiz. Keibir úilerdiń aldyńǵy jaǵyn qarańyzdarshy. Osy plitkalardyń barlyǵy Prezidenttiń dál aldyna túsip jatyr, eshkimniń sharýasy joq", - dedi Memleket basshysy Aqorda mańyndaǵy alleianyń sýretterin kórsete otyryp.
"Jaz da kelip qaldy. Al olar qirap jatyr, tozyp ketken. Osy ǵimarattardyń ieleri olardy retke keltirmei jatyr, sebebi olardan bul týraly eshkim de surap jatqan joq", - dedi Nazarbaev.
Sonymen qatar, Prezident Astanaǵa jarasatyn tústerdi aityp ótti.
"Men ákimderge únemi aitamyn: "... Menińshe, bizdiń qalamyzǵa kók, sary jáne aq túster jarasady. (...) Ońtústikkoreialyqtar jaqsy páterler men úlken úiler salady. Al bizde barlyǵy sur tústi. Turǵyn úi emes, Ishki ister ministrliginiń ǵimaraty siiaqty. Aq tústi úiler de bolýy kerek qoi. Munyń ne qiyndyǵy bar? Olar osynda ma? Biz nege sizderdi osy jumysqa tarttyq. Sizder úilerdi jaqsy salasyzdar, oǵan alǵys aitamyn. Biraq sizder salǵan aýlalardyń túri úilerden nashar", - dedi Nazarbaev.
Aita keteiik, "Astana EKSPO-2017" keńsesinde halyqaralyq kórmege daiyndyq máselesine, sondai-aq, QR Prezidentiniń tóraǵalyǵymen Astanany damytýǵa qatysty máseleler boiynsha jiyn ótip jatyr.
Sondai-aq, Memleket basshysy Nursultan Nazarbaev Astana qalasynyń ákimi Áset Iskeshevke qala ortalyǵynda eski úilerdiń bar ekenin aityp ótti.
Al osyǵan deiin Nursultan Nazarbaev Isekeshevti Astana kóshelerindegi qurylys qoqystary úshin sókken bolatyn. "Úilerdi jappai salýda - talap barlyǵyna birdei bolýy tiis. Keibir úi salýshylar óz qoqystaryn da shyǵarmaidy. Qalanyń barlyq jerinde qoqys, qara (Astana ákimi Áset Isekeshevke baǵyttai sóiledi - Avt. sózi), qoqys oryndary kóp bolyp ketken. Ádilbek Jaqsybekovtyń kezinde mundai múldem bolmaǵan. Qara, Áset, qurylys qaldyqtary", - degen edi Nursultan Nazarbaev sýretterdi kórsetip.
