Sońǵy kúnderi Memleket basshysy Qasym-Jomart Toqaevtyń densaýlyǵyna qatysty elimizdiń kóptegen azamattary alańdaýshylyq bildirip, saýal joldap jatyr. Osyǵan orai, Qasym-Jomart Kemelulynyń densaýlyǵy jaqsy ekenin habarlaimyn, dep jazdy QR Prezidentiniń baspasóz hatshysy Facebook paraqshasynda.
«Sońǵy kezderdegi epidemiologiialyq jaǵdaidyń órshi túsýine bailanysty, ol kúndelikti koronavirýsqa test tapsyryp jatyr. Tapsyrylǵan barlyq test synamasy teris nátije kórsetti. Memleket basshysy óziniń qyzmet ornynda belgilengen jumys kestesine sáikes, memlekettik organdar men vedomstvolardyń basshylarymen jáne qoǵamdyq uiymdardyń ókilderimen onlain-kezdesýler ótkizýde», - dep jazdy Berik Ýáli.
Sondai-aq Berik Ýálidiń habarlaýynsha, Qazaqstan Prezidenti tvit arqyly Elbasy Nursultan Ábishuly Nazarbaevtyń tezirek saýyǵyp ketýin tilep, Tuńǵysh Prezidenttiń ózine tán myqty rýhynyń arqasynda, bul synaqty da jeńil eńseretinine senim bildirgen.
