Prezidenttik bilikti institýtsiialaý - Qazaqstandy demokratiialyq, quqyqtyq jáne áleýmettik memleket retinde ornyqtyrýda oń ról atqardy. Bul týraly Qazaqstanda prezidenttik institýttyń engizilgenine 30 jyl tolýyna orai onlain rejimdegi halyqaralyq ǵylymi-tájiribelik konferentsiiada QR Ádilet ministri Marat Beketaev málim etti, dep habarlaidy QazAqparat tilshisi.
«Búgin biz Prezident laýazymyn belgileýdiń tarihi mańyzdylyǵyna taldaý júrgizý, Prezident institýtynyń negizgi damý satylaryn, sondai-aq saiasi turaqtylyqty qamtamasyz etýdegi onyń rólin jańǵyrtý tóńireginde pikir almasý úshin jinalyp otyrmyz. 1990 jylǵy 24 sáýirde «Qazaq SSR Prezidenti laýazymyn belgileý jáne Qazaq SSR Konstitýtsiiasyna ózgerister men tolyqtyrýlar engizý týraly» Zańdy qabyldaý Qazaqstannyń memlekettik qurylysyndaǵy erekshe kezeń boldy. Qazaqstan tarihynyń sol bir jaýapty kezeńinde Tuńǵysh Prezident bolyp Nursultan Ábishuly Nazarbaevtyń sailanýy - jańa qazaqstandyq memlekettiliktiń, onyń saiasi-quqyqtyq jáne ekonomikalyq negizderiniń qalyptasýynda aýqymdy tarihi ról atqardy. Kóbine dál osy tulǵanyń jeke erik-jiger qasietteriniń arqasynda elimizde Prezident institýty laýazymynyń belgilenýi oryn aldy», - dedi M. Beketaev.
Onyń paiymynsha, bul prezidenttik bilikti institýtsiialaý men Konstitýtsiianyń 1-babynyń 1-tarmaǵyna sáikes, Qazaqstandy demokratiialyq, zaiyrly, quqyqtyq jáne áleýmettik memleket retinde ornyqtyrýda oń ról atqardy.
«Atalǵan institýttyń arqasynda Konstitýtsiia qabyldanyp, quqyqtyq baza qalyptasty, sondai-aq áleýmettik-ekonomikalyq damýdyń aýqymdyq baǵdarlamalary iske asyryldy», - dedi Marat Beketaev.
Onyń sózine qaraǵanda, Memleket basshysynyń konstitýtsiialyq mártebesi egemen memlekettiń institýttaryn ary qarai nyǵaitýǵa, halyqaralyq beldiń artýyna jáne quqyq qaǵidasynda qazaqstandyq memlekettiliktiń turaqty negizderin qalyptastyrýǵa yqpal etti.
.jpeg)