Sailaý biýlletenine «barlyǵyna qarsymyn» baǵanyn engizý azamattardyń sailaý quqyǵyn keńeitýge baǵyttalǵan úlken qadam. Bul jaiynda QR Prezidentiniń kómekshisi Erlan Qarin Telegram kanalynda jazdy, dep habarlaidy "Ult aqparat".
«Aýyl ákimderin sailaý qarsańynda Memleket basshysynyń júrgizip jatqa saiasi reformalarynyń aiasynda taǵy bir bastamasy iske qosylady. Ol sailaý biýlletenine «barlyǵyna qarsymyn» baǵanyn qosýdy kózdeidi. Prezident Qasym-Jomart Toqaev qoldanystaǵy zańnamaǵa bul normany engizý qajettigi týraly alǵash ret osy jyldyń 15 qańtarynda 7-shi shaqyrylǵan Parlamenttiniń birinshi sessiiasyn ashý kezinde aitqan bolatyn. Odan keiin tiisti zań jobasy ázirlendi. Al 24 mamyrda Meleket basshysy «Qazaqstan Respýblikasyndaǵy sailaý týraly» Konstitýtsiialyq zańǵa jáne «Sailaý máseleleri boiynsha keibir zańnamalyq aktilerge ózgertýler men tolyqtyrýlar engizý týraly» ilese zańǵa qol qoiyp, ol maýsym aiynyń basynda kúshinde endi», - dep jazdy Erlan Qarin.
Onyń atap ótýinshe, osylaisha, Memleket basshysynyń aitýly bastamasy is júzinde jarty jyldyń ishinde sapaly júzege asyryldy.
