Búgin Astanada Memleket basshysy Nursultan Nazarbaevtyń qatysýymen «Jańa indýstrialandyrý: Qazaqstan barysynyń serpini» atty ulttyq telekópir bastaldy, dep habarlaidy "Ult aqparat".
Ulttyq telekópir barysynda búkil el boiynsha onlain rejiminde jańa indýstrialdy-innovatsiialyq, infraqurylymdyq, energetikalyq, agroónerkásiptik jobalar iske qosylatyn bolady.
Atap aitqanda, "Qazaqaltyn Tehnolodji" kompaniiasy Aqsý aýylynda altyn óndirý fabrikasyn iske qosady. Aqtóbe oblysynda mashina jasaý jáne metall óńdeý sektorynda munai-gaz jabdyqtaryn óndirý jáne qubyrlar shyǵarýmen ainalysatyn "Qazaqstan munai jabdyqtary zaýyty" JShS zaýyty ashyldy. Al Atyraý oblysynda ("Jigermunaiservis" JShS) robotty dánekerleý ádisimen metall qurastyrmalary óndirisi iske qosylmaq.
Tamaq ónerkásibinde jáne aýylsharýashylyq ónimderin qaita óńdeýde Soltústik Qazaqstan oblysyndaǵy "Maslodel" JShS "Tetra Pak" JShS joǵary tehnologiialyq qondyrǵylarmen jabdyqtalǵan sút zaýytyn ashady. Shyǵys Qazaqstan oblysynda "Vostok-Moloko" JShS joǵary tehnologiialyq jabdyqtary ornatylǵan sút keshenin modernizatsiialaǵan. Budan bólek, Batys Qazaqstan oblysynda jańa qus fabrikasy iske qosylady.
Sondai-aq telekópir barysynda Jambyl oblysynda "Orgstroi" kásiporny granit, mármár jáne gips óndirý, jarylǵysh qurylǵylardy óndirýdiń jańa tehnologiiasyn óńdeý boiynsha óndiris ashýdy josparlap otyr. Almaty oblysynda "Psi Stroy Industriya" JShS metall konstrýktsiialaryn shyǵaratyn zaýytty, Korinskaia GES balamaly energetikalyq jobany iske qospaq.
Al Qaraǵandy oblysynda eski kólikterdi qaita óńdeýmen ainalysatyn kásiporyn jumys istei bastady. Kásiporyn jylyna tozyǵy jetken avtokólikterdiń 50 myńyn qaita óńdeýge qaýqarly.
Buǵan qosa, telekópir barysynda Qazaqstannyń tranzittik áleýetin damytý jáne Eýraziia qurlyǵyndaǵy logistikalyq torapty qurý jobasyn iske asyrý maqsatynda Memleket basshysy Quryq porty (Mańǵystaý oblysy) paromdyq terminalynyń birinshi kezeńin iske qosady.
Sondai-aq, Eýropalyq aviatsiialyq qaýipsizdik agenttiginiń standarttaryna sáikes, óz avialainerleri men basqa da áýe kompaniialarynyń ushaqtaryna tehnikalyq qyzmet kórsetetin "Eir Astana" aviatsiialyq tehnikalyq ortalyǵy jumys istei bastaidy.
Mańǵystaýdaǵy "Aqtaý – Beineý" avtojol jobasynyń "Aqtaý – Shetpe" ýchaskesi ashylady. "Continental Logistics Shymkent" JShS Shymkentte iri kólik-logistikalyq ortalyǵyn salǵan.
Sonymen qatar, Nursultan Nazarbaev Pavlodar oblysyndaǵy aliýminii óndirisi men osy aliýminiiden avtomobil diskilerin shyǵaratyn "Giessenhaus" JShS óndirisin, "ArcelorMittalTubularProductsAktau" AQ dánekerleý qubyrlary óndirisi (Mańǵystaý oblysyndaǵy Aqtaý teńiz porty AEA), "Himfarm" AQ (Ońtústik-Qazaqstan oblysy) qatty dári-dármek nysandarynyń jańa tsehy, Qyzylorda oblysyndaǵy "Gejuba Tsement" JShS tsement zaýyty jáne Atyraý oblysyndaǵy "Qazaqstan Petrohimiia ónerkásibi" JShS óndirisin iske qosady.
"Eýraziialyq top" (ERG) óndiristi tehnologiialyq jańartý jobasy aiasynda Qostanai oblysynyń Qashar kenishinde "aqyldy" karerin, "Qazmyrysh" korporatsiiasy Shyǵys Qazaqstan oblysyndaǵy Maleev ken ornynda Pitram júiesin, "Altynalmas" kompaniiasy Jambyl oblysynda integratsiialyq tuǵyrnamany iske qosady.
Budan bólek, Almaty qalasyndaǵy "Innovatsiialyq Tehnologiialar Parkinde" derbes klasterlik qordyń "Sandyq zerthanasy", Astanadaǵy "Nazarbaev Ýniversitetinde" robot tehnikasynyń zerthanasy ashylady.
Aita keteiik, biyl elimizde 1,9 trillion teńgeniń 127 jobasy iske qosylyp, 10 myńnan astam adam turaqty jumys oryndarymen qamtylǵan.
.jpeg)