Prezidenttik jastar kadr rezervine irikteý aiaqtalýǵa jaqyn qaldy. Qazir úmitkerler final aldyndaǵy kezeńnen ótip jatyr, dep habarlaidy "Ult aqparat" Memlekettik qyzmet isteri agenttigine silteme jasap.
Irikteýge qatysýshylar Sarapshylar komissiiasynda áńgimelesý kezeńinde. 27 qarasha - 12 jeltoqsan aralyǵynda ótetin atalǵan kezeńge 400 úmitker ótti.
«Sarapshylyq komissiia turaqty jáne turaqty emes múshelerden turady. Onyń quramynda Prezident Ákimshiliginiń, Memlekettik qyzmet isteri agenttiginiń, QR Prezidenti janyndaǵy Memlekettik basqarý akademiiasynyń jáne «Samuryq-Qazyna» AQ korporativtik ýniversitetiniń ókilderi bar. Úmitkerlerdi baǵalaý quqyǵynsyz barlyq úderisterdiń obektivtiligin syrtqy baqylaýshylar retinde Daniiar Áshimbaev, Artýr Platonov, Nurbek Saiasat, Asqar Omarov jáne Marat Bashimov, sondai-aq Aziia damý bankiniń ókili shaqyryldy» delingen habarlamada.
Memlekettik qyzmet isteri agenttiginiń tóraǵasy Anar Jaiylǵanovanyń aitýynsha, aldyńǵy kezeńderdegidei áńgimelesýde barynsha ashyqtyq qamtamasyz etilgen.
«Komissiia músheleri úmitkerlerdi onlain-júiede baǵalaidy. Ol kelesi túrde iske asyrylady. Komissiianyń árbir múshesi qatysýshymen áńgimelesýden keiin sol mezette úmitkerge birden beske deiingi shkala boiynsha óziniń baǵasyn qoiady. Baǵalaýdy júrgizý úshin árbir belgilengen shkalanyń tiisti ólshemderi men deskriptorlary ázirlendi. Olar boiynsha ol (komissiia múshesi – esk.) baǵalaýdy qoiady, sodan keiin baǵa avtomatty túrde bazaǵa túsedi jáne generatsiialanady. Osylaisha, baǵalaý úderisi 2-3 sekýndtan aspaidy. Basqasha aitqanda, komissiianyń barlyq músheleri onlain baǵa engizgennen keiin, olar birden bazaǵa túsedi. Eń bastysy, baǵany túzetýge eshqandai múmkindik joq», - dedi A. Jaiylǵanova.
A.Jaiylǵanova sondai-aq komissiia músheleri áńgimelesýdiń nátijelerin daýystap talqylamaitynyn, sonyń arqasynda komissiianyń basqa múshelerine óz pikirimen yqpal etý múmkindigi joiylatynyn aitty.
Onlain-júiede árbir komissiia múshesiniń baǵalaýy negizinde úmitkerdiń jalpy ortasha baǵasyn shyǵarýdyń qarapaiym formýlasy qoldanylady. Aǵymdaǵy kún ishinde áńgimelesýler aiaqtalǵannan keiin komissiia hatshysy–júie ákimshisi hattamany dereý basyp shyǵarady jáne Komissiianyń árbir múshesi óziniń baǵalaýynyń durystyǵyna kóz jetkizýge múmkindigi bar jáne olardy qoltańbasymen kýálandyrady.
«Sonymen qatar, protsesterdiń obektivtiligine eshkimniń kúmáni bolmaýy úshin sol kúni úmkiterlerdiń jeke kabinetterinde derekter jariialanýda. Sarapshylyq komissiiasynda áńgimelesýdi qosa alǵanda, árbir aldyńǵy kezeńder boiynsha úles salmaǵyn eskere otyryp, úmitkerlerdiń jalpy reitingi barlyq kandidattar áńgimelesý kezeńinen ótkennen keiin pkrezerv.kz saitynda qoljetimdi bolady», - dep habarlady MQIA tóraǵasy.
Qoǵam qairatkeri, Parlament Májilisiniń depýtaty Artýr Platonov áńgimelesýde kórgenderin oń baǵalady.
«Meritokratiia qaǵidatyn, árkimge qabileti boiynsha qaǵidatyn saqtaý – ol saqtalady, mende kúmán týdyrmaidy. Birinshiden, munyń bári ashyq, munyń bári adal. Maǵan komissiia músheleriniń 7 minýttyq interval ishinde kandidatty barynsha ashý, onyń bilim deńgeiin, oi-órisin, oilaý qabiletin anyqtaýǵa kómektesýge degen talpynystary unady. Qatysýshylardyń munyń bári adal jáne ashyq ekenin, bul protsesti baqylap otyrǵanyn kórip otyrǵany óte mańyzdy. Nege bul sonshalyqty mańyzdy? Óitkeni bul adamdardyń kásibiligi men parasat deńgeiinen eldiń odan ári bolashaǵy bailanysty bolady. Olardyń adamgershilik qasietteriniń deńgeiinen halyq múddesi úshin qoiylǵan mindetter qalai adal oryndalatyndyǵy bailanysty bolady. Adamgershiligi joqtardyń (adamdardyń-esk.) tipti joǵary deńgeidegi bilimi, ol paida ákelmeidi, keide qaýipti. Men úmitkerlerdiń memlekettik mindetterdi sheshýi tiis ekenin túsinetinine nazar aýdardym», - dedi ol.
Artýr Platonovtyń aitýynsha, qatysýshylar - parasatty jáne maqsatker, bilimdi adamdar.
«Birinshiden, biz, árine, jańa formatsiia býynyn qura aldyq, olar meniń oiymsha, el basshylyǵy qoiǵan strategiialyq mindetterdi tiimdi jáne qarqyndy oryndai alady»,-dep atap ótti ol.
