Búgin Úkimet otyrysynda QR Ulttyq bank tóraǵasy Erbolat Dosaev Prezidenttiń daǵdarysqa qarsy bastamalary qalai iske asyrylyp jatqanyn aitty, dep habarlaidy QazAqparat.
«Ekonomikany qoldaý úshin Memleket basshysynyń daǵdarysqa qarsy bastamalaryn iske asyrý jalǵasýda. Atap aitqanda, osy jylǵy 6 mamyrdaǵy jaǵdai boiynsha «Qarapaiym zattar ekonomikasy» baǵdarlamasyna ekinshi deńgeidegi bankterge 1,18 trln teńgege 1 507 ótinim kelip tústi. 785,2 mlrd teńge somasyna 961 joba maquldandy», - dedi Ulttyq bank tóraǵasy.
Erbolat Dosaevtyń aitýynsha, Kásipkerlik sýbektilerin jeńildikpen kreditteý baǵdarlamasyna kásipkerler 755,3 mlrd teńge boltyn 3 031 ótinim bergen.
«596,8 mlrd teńgege 2 205 ótinim maquldandy. 837,5 mlrd teńgege 8 272 qaryz, onyń ishinde 265,2 mlrd teńgege 3 606 qaryz buryn berilgen qaryzdardy óteýden túsken aqsha esebinen berildi», - dedi ol.
