بٷگٸن ٷكٸمەت وتىرىسىندا قر ۇلتتىق بانك تٶراعاسى ەربولات دوساەۆ پرەزيدەنتتٸڭ داعدارىسقا قارسى باستامالارى قالاي ٸسكە اسىرىلىپ جاتقانىن ايتتى, دەپ حابارلايدى قازاقپارات.
«ەكونوميكانى قولداۋ ٷشٸن مەملەكەت باسشىسىنىڭ داعدارىسقا قارسى باستامالارىن ٸسكە اسىرۋ جالعاسۋدا. اتاپ ايتقاندا, وسى جىلعى 6 مامىرداعى جاعداي بويىنشا «قاراپايىم زاتتار ەكونوميكاسى» باعدارلاماسىنا ەكٸنشٸ دەڭگەيدەگٸ بانكتەرگە 1,18 ترلن تەڭگەگە 1 507 ٶتٸنٸم كەلٸپ تٷستٸ. 785,2 ملرد تەڭگە سوماسىنا 961 جوبا ماقۇلداندى», - دەدٸ ۇلتتىق بانك تٶراعاسى.
ەربولات دوساەۆتىڭ ايتۋىنشا, كەسٸپكەرلٸك سۋبەكتٸلەرٸن جەڭٸلدٸكپەن كرەديتتەۋ باعدارلاماسىنا كەسٸپكەرلەر 755,3 ملرد تەڭگە بولتىن 3 031 ٶتٸنٸم بەرگەن.
«596,8 ملرد تەڭگەگە 2 205 ٶتٸنٸم ماقۇلداندى. 837,5 ملرد تەڭگەگە 8 272 قارىز, ونىڭ ٸشٸندە 265,2 ملرد تەڭگەگە 3 606 قارىز بۇرىن بەرٸلگەن قارىزداردى ٶتەۋدەن تٷسكەن اقشا ەسەبٸنەن بەرٸلدٸ», - دەدٸ ول.
