Syrtqy ister ministrliginde Memleket basshysynyń Berlinge saparynan keiingi kelisimderdiń oryndalý barysy talqylandy, dep habarlaidy "Ult aqparat" vedomstvonyń baspasóz qyzmetine silteme jasap.
Qazaqstan Respýblikasy Syrtqy ister ministriniń orynbasary Marǵulan Baimuhan Germaniia úkimetiniń Reseimen, Ortalyq Aziiamen jáne «Shyǵys seriktestigi» elderimen yntymaqtastyq jónindegi úilestirýshisi, Germaniia Býndestagynyń depýtaty Dirk Vizemen kelissóz ótkizdi.
Taraptar 2019 jylǵy 5 jeltoqsanda Qazaqstan Respýblikasynyń Prezidenti Qasym-Jomart Toqaevtyń Germaniia kantsleri Angela Merkelmen kezdesýi barysynda qol jetkizilgen ýaǵdalastyqtardyń iske asyrylý barysyn, sondai-aq óńiraralyq deńgeidegi yntymaqtastyq perspektivalaryn talqylady. Qazaqstan men Germaniia arasyndaǵy saýda-sattyq jáne investitsiialyq yntymaqtastyqty keńeitýge ózara daiyn ekeni atap ótildi.
M. Baimuhan Memleket basshysynyń alǵashqy eýropalyq sapary jalpy quny 2,4 mlrd AQSh dollaryn quraityn kommertsiialyq kelisimder jasaýǵa múmkindik bergenin atap ótti. Qazaqstandyq diplomat nemis tarapyn EO memleketteri deńgeiinde Qazaqstanǵa vizalyq rejimdi jeńildetý máselesin qoldaýǵa shaqyryp, bul ekonomikalyq, bilim berý jáne mádeni salalardaǵy ekijaqty qarym-qatynastardy odan ári jandandyra túsýge ózara yqpal etetinin atap ótti.
Óz kezeginde D.Vize QR Prezidenti Q.Toqaevtyń resmi sapary qazaqstandyq-nemis áriptestigin tereńdetýge ózara qyzyǵýshylyqtyń bar ekenin kórsetkenin habarlady. Nemis diplomaty:
«Biz qazirgi tańda Qazaqstanda iske asyp jatqan reformalardy qoldaimyz jáne olardy júzege asyrýǵa qolǵabys jasaýǵa daiynbyz», - dedi.
Talqylaý barysynda ekijaqty qatynastaǵy mańyzdy problemalar arasynda gýmanitarlyq máseleler de boldy. Taraptar eki el arasyndaǵy «dostyq kópiri» sanalatyn Qazaqstandaǵy nemis diasporasy jáne GFR-daǵy burynǵy qazaqstandyqtardyń úlken qaýymy bolýyna orai qazaqstandyq-nemis áriptestigi asa mańyzdy ekenin rastady. Eki el úkimetteri óz azamattaryna múmkindiginshe qolaily jaǵdai jasaý úshin jumys isteýde.
Taraptar kópqyrly áriptestikti damytýdy jalǵastyrý maqsatynda qalyptasqan bailanystar dinamikasyn ilgeri jyljytýǵa kelisti.
