سىرتقى ٸستەر مينيسترلٸگٸندە مەملەكەت باسشىسىنىڭ بەرلينگە ساپارىنان كەيٸنگٸ كەلٸسٸمدەردٸڭ ورىندالۋ بارىسى تالقىلاندى, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
قازاقستان رەسپۋبليكاسى سىرتقى ٸستەر مينيسترٸنٸڭ ورىنباسارى مارعۇلان بايمۇحان گەرمانييا ٷكٸمەتٸنٸڭ رەسەيمەن, ورتالىق ازييامەن جەنە «شىعىس سەرٸكتەستٸگٸ» ەلدەرٸمەن ىنتىماقتاستىق جٶنٸندەگٸ ٷيلەستٸرۋشٸسٸ, گەرمانييا بۋندەستاگىنىڭ دەپۋتاتى ديرك ۆيزەمەن كەلٸسسٶز ٶتكٸزدٸ.
تاراپتار 2019 جىلعى 5 جەلتوقساندا قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆتىڭ گەرمانييا كانتسلەرٸ انگەلا مەركەلمەن كەزدەسۋٸ بارىسىندا قول جەتكٸزٸلگەن ۋاعدالاستىقتاردىڭ ٸسكە اسىرىلۋ بارىسىن, سونداي-اق ٶڭٸرارالىق دەڭگەيدەگٸ ىنتىماقتاستىق پەرسپەكتيۆالارىن تالقىلادى. قازاقستان مەن گەرمانييا اراسىنداعى ساۋدا-ساتتىق جەنە ينۆەستيتسييالىق ىنتىماقتاستىقتى كەڭەيتۋگە ٶزارا دايىن ەكەنٸ اتاپ ٶتٸلدٸ.
م. بايمۇحان مەملەكەت باسشىسىنىڭ العاشقى ەۋروپالىق ساپارى جالپى قۇنى 2,4 ملرد اقش دوللارىن قۇرايتىن كوممەرتسييالىق كەلٸسٸمدەر جاساۋعا مٷمكٸندٸك بەرگەنٸن اتاپ ٶتتٸ. قازاقستاندىق ديپلومات نەمٸس تاراپىن ەو مەملەكەتتەرٸ دەڭگەيٸندە قازاقستانعا ۆيزالىق رەجيمدٸ جەڭٸلدەتۋ مەسەلەسٸن قولداۋعا شاقىرىپ, بۇل ەكونوميكالىق, بٸلٸم بەرۋ جەنە مەدەني سالالارداعى ەكٸجاقتى قارىم-قاتىناستاردى ودان ەرٸ جانداندىرا تٷسۋگە ٶزارا ىقپال ەتەتٸنٸن اتاپ ٶتتٸ.
ٶز كەزەگٸندە د.ۆيزە قر پرەزيدەنتٸ ق.توقاەۆتىڭ رەسمي ساپارى قازاقستاندىق-نەمٸس ەرٸپتەستٸگٸن تەرەڭدەتۋگە ٶزارا قىزىعۋشىلىقتىڭ بار ەكەنٸن كٶرسەتكەنٸن حابارلادى. نەمٸس ديپلوماتى:
«بٸز قازٸرگٸ تاڭدا قازاقستاندا ٸسكە اسىپ جاتقان رەفورمالاردى قولدايمىز جەنە ولاردى جٷزەگە اسىرۋعا قولعابىس جاساۋعا دايىنبىز», - دەدٸ.
تالقىلاۋ بارىسىندا ەكٸجاقتى قاتىناستاعى ماڭىزدى پروبلەمالار اراسىندا گۋمانيتارلىق مەسەلەلەر دە بولدى. تاراپتار ەكٸ ەل اراسىنداعى «دوستىق كٶپٸرٸ» سانالاتىن قازاقستانداعى نەمٸس دياسپوراسى جەنە گفر-داعى بۇرىنعى قازاقستاندىقتاردىڭ ٷلكەن قاۋىمى بولۋىنا وراي قازاقستاندىق-نەمٸس ەرٸپتەستٸگٸ اسا ماڭىزدى ەكەنٸن راستادى. ەكٸ ەل ٷكٸمەتتەرٸ ٶز ازاماتتارىنا مٷمكٸندٸگٸنشە قولايلى جاعداي جاساۋ ٷشٸن جۇمىس ٸستەۋدە.
تاراپتار كٶپقىرلى ەرٸپتەستٸكتٸ دامىتۋدى جالعاستىرۋ ماقساتىندا قالىپتاسقان بايلانىستار ديناميكاسىن ٸلگەرٸ جىلجىتۋعا كەلٸستٸ.
