Qazaqstan Prezidentiniń "Baiqońyr" keshenindegi arnaýly ókili taǵaiyndaldy, - dep habarlaidy "Ult aqparat" Aqordaǵa silteme jasap.
"Memleket basshysynyń ókimimen Qairat Yrzaqululy Nurtai Qazaqstan Respýblikasy Prezidentiniń "Baiqońyr" keshenindegi arnaýly ókili laýazymyna taǵaiyndaldy", - delingen Jarlyqta.
Nurtai Qairat Yrzaqululy 1982 jyly Qyzylorda oblysy Qarmaqshy aýdanynda dúniege kelgen.
2004 jyly Qanysh Satpaev atyndaǵy Qazaq ulttyq tehnikalyq ýniversitetin injener-mehanik, 2006 jyly Dinmuhamed Qonaev atyndaǵy ýniversitettiń zańtaný mamandyqtaryn támámdap, 2019 jyly Resei Federatsiiasy prezidentiniń janyndaǵy Resei halyq sharýashylyǵy jáne memlekettik qyzmet akademiiasyn bitirip Memlekettik jáne mýnitsipaldyq basqarý magistri ǵylymi dárejesin alǵan.
Eńbek jolyn 2004 jyly QR Memlekettik qyzmet isteri agenttiginiń memlekettik qyzmetti kadrlyq qamtamasyz etý departamentiniń jetekshi mamany retinde bastaǵan.
