Erjan Baitiles Prezidenttiń baspasóz qyzmetiniń sektor meńgerýshisi boldy. Bul týraly QR Prezidentiniń baspasóz hatshysy Berik Ýáli Facebook paraqshasynda jazdy, dep habarlaidy "Ult aqparat".
«Prezidenttiń Baspasóz qyzmet taǵy bir bilikti kadrmen tolyqty. Jýrnalistikanyń qazanynda qainaǵan, «Aq jol Qazaqstan», «Almaty aqshamy», «Ana tili», «Egemen Qazaqstan» sekildi irgeli basylymdarda jumys istep, qazirgi qalam ustaǵan qairatker aǵalardyń tálimin alǵan Erjan Baitiles búginnen bastap Prezidenttiń Baspasóz qyzmetine sektor meńgerýshisi bolyp ornalasty», - dep jazdy. Berik Ýáli.
Onyń jazýynsha, Erjan Baitiles jýrnalistikadan bólek qoǵamdyq-saiasi ómirge de belsene aralasty. Qyzylorda qalalyq máslihatynyń depýtaty, «Nur Otan» partiiasy Qyzylorda oblystyq filialy tóraǵasynyń orynbasary qyzmetinde júrip biraz tájiribe jinady.
«Jýrnalistikada, qoǵamdyq jumystaǵy tájiribesi Prezident Baspasóz qyzmetiniń jumysyna óz septigin tigizedi dep oilaimyn. Jumysyńa tabys, shyǵarmashylyǵyńa shalqar shabyt tileimin, Erjan!», - dep túiindedi baspasóz hatshysy.
